\"Twitter\"dən yenilik

"Twitter" "Anlar" funksiyasını təqdim edib

Ölkə.Az xəbər verir ki, "Twitter" mikrobloqlar sosial şəbəkəsi son dövrlərin ən ciddi yeniliyi hesab edilən "Anlar" funksiyasını təqdim edib.

"Anlar" (Moments") sayəsində müəyyən hesabların izləyicisi olmadan ən populyar və səs-küylü hadisələrdən xəbərdar olmaq mümkündür. "Anlar" tam ekranda görünəcək və aşağı hissədə çarxın bitmə müddəti bilinəcək.

Həmin çarxların hazırlanması "Bleacher Report", "Buzzfeed", "Entertainment Weekly", "Fox News,Mashable", "MLB", "NASA", "New York Times", "Vogue" və "Washington Post"a həvalə olunub.

Hələlik bu funksiya yalnız ABŞ-da işləyir.

"Twitter" onlayn sosial şəbəkə və mikroblogging xidmətləri təklif edən saytdır. Onun vasitəsi ilə istifadəçilər 140 işarəlik “tvit” adlandırılan mətn sms-ləri göndərə bilirlər.

18 dekabr 2012-ci ildə aylıq 200 milyon aktiv istifadəçinin olması elan edildi. 2011-ci ilin sentyabrında isə aylıq 100 milyon aktiv istifadəçinin olması elan edilmişdi. 18 aprel 2013-cü ildə "Twitter Music" adı ilə iPhone üçün musiqi proqramı buraxıldı. 28 avqust 2013-cü ildə Trendrrə sahibləndiyini elan etdi.

Ölkə.Az