Xallı insanlara bəd xəbər

Xallı insanlarda xərçəngə yoluxma riski daha yüksəkdir. İnsanın əl-qolunda xalların sayını əsas götürməklə alimlər melanoma - dəri xərçənginin inkişafı riskinin müəyyən olunması üsulunu kəşf ediblər.

Londonun Kings College institutu təqiqatçılarının hesabatına əsasən, insanın bədənində xalların sayını dəyərləndirmək üçün sağ qolunda və çiynindəki xalların sayını saymaq kifayət edir.

8 il ərzində aparılmış təcrübə və müşahidələrdən çıxarılmış qanunauyğunluq alimlərə sağ qolu və çiynində 11-dən artıq xalı olan pasiyentlərin bədənində xalların ümumilikdə sayının 100-dən çox oduğunu deməyə əsas verib.

Təqiqatçı qrupun müəyyən etdiyinə görə, bədənində xalların sayı 100-dən artıq olan pasiyentlərdə isə melanomanın inkişaf etməsi riski digərlər insanlarla müqayisədə 5 dəfə yüksəkdir.

Alimlər hesab edir ki, pasiyentin əl-qolundakı xalların sayını saymaqla həkimlər melanomaya tutulma riskini tez bir zamanda, baha prosedurlar keçirmədən müəyyən edə bilərlər. Melanoma xəstəliyi insan bədənində xal ləkələrinin anormal tərzdə dəyişməsilə müşayiət olunur.

Statistikaya görə, hər il Britaniyada bu xəstəliyə təxminən 13,000 adam tutulur.(publika.az)

Ölkə.Az