Asiyanın ən zənginindən oğluna toydan öncə 4 günlük LÜKS KRUİZ

Asiyanın ən varlı adamı Mukeş Ambani, kiçik Anant Ambani və nişanlısı Radhika Merşant üçün toydan əvvəl ikinci möhtəşəm şənlik təşkil edir. Bu dəfə İtaliya və Fransa üzərindən “La Vite E Un Viaggio” (Həyat bir səyahətdir) səyahəti olacaq. 

Ölkə.Az xəbər verir ki, mayın 29-dan iyunun 1-dək davam edəcək dörd günlük tədbirə Bollivud ulduzları və biznes elitası da daxil olmaqla 800 qonaq dəvət olunub.

Anant-Radhikanın toydan əvvəl təşkil edilən dörd gün davam edəcək ikinci məclisin qonaqlarına olan dəvətdə deyilir: “Dostların bir araya gəldikləri bu günlər bir ömür boyu macərası olacaq”.  

Hər gün üçün xüsusi proqramlar təşkil olunacaq.

Məlumatlara görə, təxminən 600 işçi kruiz qonaqlarına xidmət göstərmək üçün gecə-gündüz işləyəcək.

Mürtəza
Ölkə.Az