Ölkədə ”Vikipediya” fəaliyyəti öz müsbət nəticəsini verir - Daha bir pillə də irəlilədik
Ölkədə ”Vikipediya” fəaliyyəti öz müsbət nəticəsini verir. Azərbaycan dili bölməsi bir pillə irəlilədi: 45-dən 46-ya yüksəldi
Azərbaycan “Vikipediya” icmasının səmərəli və uğurlu fəaliyyəti nəticəsində “Vikipediya” virtual ensiklopediyasının Azərbaycan dili bölməsində dərinlik (keyfiyyət göstəricisi) 45-dən 46-ya yüksəlib. Son bir ildə 7 pillə dərinlik artıb.
Bunu “Vikipediya” üzrə mütəxəssis, diaspor üzrə araşdırmaçı-ekspert Elnur Eltürk bildirib.
“Dərinlik göstəricisinin artması onu təsdiqləyir ki, “Vikipediya”da məqalə yaradanların sayı artıb və xüsusilə keyfiyyətli, məzmunlu məqalələrin yaradılmasına daha çox üstünlük verilir.
Bu, həm də müxtəlif mövzular ətrafında məqalələrin yaradıldığını göstərir. Redaktəyə ehtiyacı olan məqalələr zənginləşdirilir və oxucuların istifadəsinə təqdim edilir”.
