"Bugatti" 500-lə gedən maşın hazırlayır - FOTO
"Bugatti" şirkətinin baş direktoru Mate Rimac 500 km/saat (310 mil/saat) maneəni aşmaq kimi yeni iddialı hədəfini açıqlayıb.
Ölkə.az Milli.Az-a istinadən xəbər verir ki, Rimac Michelin mühəndisləri ilə aktiv müzakirələr aparıb. Müzakirə mövzusu 500 km/saatdan çox sürətlə həddindən artıq yüklərə tab gətirə bilən təkərlər olub.
Yeni rekordun W16 mühərrikli hibrid sistemlə təchiz edilmiş 1800 at güclü hiperkar Bugatti Tourbillon-un köməyi ilə müəyyən edilməsi planlaşdırılır.
Lakin "Bugatti" "Volkswagen Group"dan ayrıldıqdan sonra şirkət əvvəllər "Veyron" və "Chiron"la rekordların əldə olunduğu "Ehra-Lessien" trekinə çıxışını itirib.
Rekord yürüşü üçün mümkün məkanlar arasında "Papenburg", Floridadakı (ABŞ) "Kennedy" Kosmik Mərkəzinin uçuş-enmə zolağı və ya "Koenigsegg"in etdiyi kimi ümumi istifadədə olan yolun müvəqqəti bağlanması nəzərdən keçirilir.
