Bütün dövrlərin ən yaxşı 5 türk serialı açıqlandı

Bütün dövrlərin ən yaxşı 5 türk serialı açıqlandı

Beynəlxalq televiziya və film izləmə platforması ImDb-də dərc olunan siyahıya görə, bütün dövrlərin ən yaxşı 100 türk serialı açıqlanıb. Ən yaxşı 5 layihə siyahıda öz izini qoyub. Reytinq rekordları qıran "Kurtlar Vadisi" 12-ci, Halid Ziya Uşaklıgilin romanının 2008-ci ildə ekranlaşdırılan "Aşk-ı Memnu" isə 15-ci yerdə qərarlaşıb.

Ölkə.az Türkiyə KİV-ə istinadla Türkiyə televiziya tarixinin ən yaxşı 5 serialını təqdim edir:

1 - ŞƏXSİYYƏT
Haluk Bilginer və Cansu Derenin rol aldığı serial, Alzheimer xəstəliyi diaqnozu qoyulmuş və cinayətkarları cəzalandırmaq qərarına gələn bir kişinin hekayəsini danışır.

2 - LEYLA VƏ MƏCNUN
Bu absurd komediya serialı, Kireçburnuda yaşayan bir qrup insanın yaşadığı gülməli hadisələri təsvir edir. Baş rolu Ali Atay canlandırıb.

3 - İKİNCİ BAHAR
Şener Şen və Türkan Şoray baş rollarda çəkiliblər. 1990-cı illərdən qalma "İkinci Bahar" serialında kabab dükanının sahibi Ali Haydar ilə yeni işçisi Hanımın evliliyi və sonrakı qarşılaşmaları təsvir olunub.

4 - EZEL
Kenan İmirzalıoğlunun rol aldığı serial, etibar etdiyi insanlar tərəfindən xəyanətə uğrayan və qisas almaq üçün tamamilə fərqli bir insana çevrilən bir kişinin hekayəsini danışır.

5 - ŞİRİN HƏYAT
Haluk Bilginer və Türkan Şorayı bir araya gətirən bu sitkom, varlı bir cütlüyün lüks bir yaşayış massivinə köçdükdən sonra dəyişən həyatlarını təsvir edir.

Həmidə İbrahimova