Sevgini xilas edən 2 "zəruri" yalan - Psixoloq açıqladı
Araşdırmalar göstərir ki, bəzi qeyri-səmimilik formaları və müəyyən yalan növləri münasibətlərdə mühüm rol oynaya bilər.
Ölkə.az Qaynarinfo-ya istinadən xəbər verir ki, bu barədə amerikalı psixoloq Mark Trevers "Forbes” üçün yazdığı məqalədə bildirib.
"İnsan münasibətləri nadir hallarda mütləq qaydalara tabe olur; hər ağıllı qaydanın eyni dərəcədə ağlabatan istisnası var. Bu isə o deməkdir ki, praktikada hətta ən sağlam cütlüklər belə bəzən həqiqəti təhrif edirlər”, deyə o qeyd edib.
Psixoloq münasibətlərdə "zəruri” hesab edilən iki yalan növünü belə izah edib:
Prososial yalan. Bu, nəticədə müsbət təsir yaradan, sosial qəbul və yaxınlığı gücləndirən yalan formasıdır. 2026-cı ildə "The Journal of Social Psychology” jurnalında dərc olunan araşdırmada alimlər müəyyən ediblər ki, bir çox insanlar bəzi hallarda sərt həqiqətdən daha çox təsəlli verən və ümid yaradan qeyri-səmimiliyə üstünlük verirlər. Tədqiqatçılar həmçinin aşağı münasibət məmnunluğuna malik insanların prososial yalana daha çox meyilli olduğunu müəyyən ediblər.
Qoruyucu yalan. Bu yalan tərəfdaşın lazımsız emosional zərərdən qorunması məqsədilə deyilir. 2025-ci ildə "Personal Relationships” jurnalında dərc olunan və romantik münasibətlərdə qeyri-səmimiliyi araşdıran tədqiqatda alimlər insanların öz yalanlarını ən çox qoruyucu motivlə izah etdiyini aşkar ediblər. Bu yalanlar əsasən iki yerə bölünür: partnyoru qorumağa yönələn və özünü qorumağa yönələn yalanlar. Psixoloqun sözlərinə görə, bu cür davranış manipulyasiyadan çox emosional tənzimləmə ilə bağlıdır və cütlüklərə hər kiçik narahatlığı və ya qısqanclığı münaqişəyə çevirməməyə kömək edir.
"Son nəticədə uğurlu münasibətlər yalnız dürüstlükdən ibarət deyil. Xeyirxahlıq, özünü cilovlama, takt və emosional intellekt bəzi hallarda tam açıqlıqdan daha vacib ola bilər. Çünki bəzən yaxınlığı qorumaq o deməkdir ki, sevən olmaqla tam səmimi olmaq eyni şey deyil”, deyə Trevers vurğulayıb.
