Qarışqalardan qurtulmağın ən sadə üsulu 

Qarışqalar adətən zərərsiz həşəratlar kimi tanınır. Lakin evə daxil olduqda bir çox insan üçün narahatlıq yarada bilirlər. Buna görə də qarışqaları uzaqlaşdırmağın praktik üsulları tez-tez araşdırılır.

Ölkə.az xəbər verir ki, sadə bir üsul isə onların qısa müddətdə mühitdən uzaqlaşmasına kömək edə bilər.

Qarışqalardan qurtulmaq üçün müxtəlif üsullar mövcuddur. Onların bir qismi daha çətin və vaxt aparan olsa da, bəziləri olduqca sadədir.

Bu üsullardan biri alma sirkəsindən istifadə etməkdir:

Alma sirkəsi ilə su bir qabda və ya sprey qabında qarışdırılır;

Hazırlanan məhlul qarışqaların görünə biləcəyi yerlərə tökülür və ya püskürdülür;

Sirkənin qoxusu qarışqaların həmin ərazidən uzaqlaşmasına kömək edə bilər.

Bu üsul bəzi hallarda effektiv nəticə versə də, allergiyası olan və ya hər hansı sağlamlıq problemi yaşayan şəxslərə tətbiq etməzdən əvvəl mütəxəssis məsləhəti almaq tövsiyə olunur.

Həmidə İbrahimova