İlon Maskdan XƏBƏRDARLIQ: “Cəmi 3 iliniz qalıb”

Ölkə.az xəbər verir ki, bunu ABŞ-lı iş adamı, milyarder İlon Mask deyib.

Onun fikrincə, ənənəvi əmək sistemi tezliklə keçmişdə qalacaq.

“İnsanların əməklərini və vaxtlarını sataraq dolanışıqlarını təmin etmələri məsələsində maksimum üç illəri qalıb. Bundan sonra süni intellekt əksər tapşırıqları tamamilə avtomatlaşdıracaq və şirkətlərin işlənmiş saatlar üçün əmək haqqı ödəməsinin artıq mənası olmayacaq”, -  İ.Mask bildirib.

Milyarder xəbərdarlıq edib ki, indi hərəkətə keçməyənlər üçün sonra çox gec olacaq. İ.Mask növbəti üç il ərzində texnologiyanın əvəz edə bilməyəcəyi aktivlərə, xüsusən də bitkoin, torpaq, enerji ehtiyatları, faydalı insan əlaqələri və müstəqil istehsal bacarıqlarına vaxt ayırmağı məsləhət görüb.

İş adamı söyləyib ki, nəticə etibarilə, nə qədər tər tökməyiniz vacib deyil, əlinizdə qalacaqlar vacibdir: “İndi bu addımı atan insanlar 2035-2036-cı illərdə geriyə baxıb “mən hər şeyin gələcəyini görürdüm” deyəcəklər”.

Mürtəza