Tutanxamonun xəncəri

Ölkə.Az xəbər verir ki, misirli və italiyalı alimlərdən ibarət təqdiqatçılar qrupu maraqlı açıqlama verib.

Misir fironu Tutanxamonun məqbərəsində tapılmış xəncər meteorit dəmirindən hazırlanıb.

Milan Politexnik Universiteti, Piza Universiteti və Qahirə Muzeyinin əməkdaşları birgə araşdırma aparıb. Alimlər Tutanxamona məxsus qədim xəncərin tərkib hissəsini aydınlaşdırmaq üçün rentgenofluoresent spektrometrədən istifadə ediblər. Bu xəncər 1925-ci ildə arxeoloq Hovard Karter tərəfindən Tutanxamonun məqbərəsinin arxeoloji qazıntıları zamanı tapılıb.

Hazırda xəncər Qahirə Universitetində saxlanılır. Xəncərin tiyəsi paslanmayan metaldan, dəstəyi qızıldan hazırlanıb. Alimlər xəncərin tiyəsində nikelin 10 % təşkil etdiyini görüncə təəccübləniblər. Çünki, yerdə məlum olan heç bir metal filizində nikelin konsentrasiyası bu qədər olmur. Həmçinin metalın tərkibində 0,6% kobalt aşkarlanıb ki, bu da meteorit dəmiri üçün xarakterikdir.

Alimlər xəncərin çox məharətlə hazırlandığını söyləyirlər. Bu onu deməyə əsas verir ki, qədim misirlilər dəmir və əlvan metalların emalı üzrə yüksək texnologiyalara malik olublar.

İlhamə
Ölkə.Az