\"Nissan\" elektromobil istehsalına başlayır

Ölkə.Az Rusiya KİV-lərinə istinadən xəbər verir ki, Nissan avtomobil konserni "Juke" və "Qashqai" krossoverlərinin tamamilə elektriklə çalışan versiyalarını buraxmağı planlaşdırır.

Bu barədə "Nissan"ın elektromobil bölməsinin rəhbəri Qaret Dansmor məlumat verib.

"Biz elektrokar sinfindən olan krossoverlər seqmentində liderik. Gələcəkdə bu texnologiyaları birləşdirmək niyyətindəyik. Şirkətin qarşısında duran əsas vəzifə belə maşınlar üçün texnologiya yaratmaqdan ibarətdir.

Bundan əlavə, "Nissan" kompakt elektromobillər xəttini buraxmağa hazırlaşır. Çünki hazırda bazarda elektromobillərə böyük tələbat hiss olunur",- deyə Dansmor bildirib.

İlhamə
Ölkə.Az