Finlandiyada sürücüsüz avtobuslar xəttə buraxıldı

Ölkə.Az Rusiya KİV-lərinə istinadən xəbər verir ki, Finlandiyanın paytaxtında yeni növ avtomatlaşdırılmış ictimai nəqliyyatın sınağı başlayıb.

EZ10 markalı iki "ağıllı" mini avtobus Helsinki küçələri ilə sərbəst şəkildə hərəkət edəcəklər. Sınaq müddəti 1 ay nəzərdə tutulub. Ölkə qanunvericiliyi sürücüsüz nəqliyyat vasitələrinin hərəkətinə icazə verdiyi üçün ağıllı avtomobillərin sınaq meyadanı kimi Finlandiya seçilib.

EasyMile EZ10 Fransa və Hindistanın birgə istehsalıdır. Mini avtobuslar saatda 40 kilometr sürətlə hərəkət edə bilir.

Lakin, hələlik Finlandiya paytaxtında onların saatda 11 kilometr saat sürətlə getməsinə icazə verilib. Bu avtobuslar qısa məsafəli sərnişin daşımaları üçün nəzərdə tutulub. Sınaqlar sentyabr ayına qədər davam edəcək.

İlhamə
Ölkə.Az