Kinolarda gördüklərimiz gerçək olacaq

Böyük Britaniya alimləri kinondakı möcüzələrin yaxın zamanda gerçək olacağını vəd ediblər.

Ölkə.Az The Telegraph-a istinadən xəbər verir ki, Böyük Britaniya alimlərinin fikrincə, bir çox fentezi janrında olan kinolarda olanlar tezliklə reala çevriləcək. "Harri Potter", "Üzüklər hökmdarı" və "Gələcəyə dönüş" kimi kinolarda olanlar yaxın 10 il ərzində gerçəkləşəcək.

Kris Fillips adlı alimin dediklərinə görə, elm Harri Potterin əsas qəhrəmanı olduğu filmin görünməzlik mantiyasının yaradılmasına artıq yaxınlaşıb.

Digər alim Kolin Stüart isə iddia edir ki, "Gələcəyə dönüş" kinosunun əsasında dayanan hadisə artıq gerçəkləşib.

"Gələcəyə səyahət artıq baş verib, sadəcə bu hələlik mikro miqyasda olub. Yüzdə iki saniyəlik müddətə olsa da kosmonavt Sergey Krikalyov gələcəyə gedə bilib", - deyə alim qeyd edib.

The Telegraph portalı xəbər verir ki, Gənc alim və mühəndislərin yarmarkası" çərçivəsində bu mövzuda sorğu aparılıb. Bir müddət əvvəl isə digər fantastik yenilik olan uçan skeytbord haqqında xəbərlər yayılmışdı.

Rəşid Mustafazadə

Ölkə.Az