Həyat keyfiyyətinə görə şəhərlərin reytinqi açıqlandı

Dünya şəhərlərinin həyat keyfiyyətinə görə siyahısı tərib edilib.

"Ölkə.Az" xəbər verir ki, sorğunu "Mercer" hüquq məsləhətxanası şirkəti tərtib edib. Siyahıya əsasən Avstriyanın paytaxtı Vyana şəhəri 8-c ildir ki, liderliyini qoruyur.

İlk onluğa Sürix, Oklend, Münhen, Vankuver, Düsseldorf, Frankfurt, Cenevrə, Kopenhagen və Bazel şəhərləri daxil edilib.

Böyük Britaniyanın paytaxtı London şəhəri isə siyahının 40-cı pilləsində qərarlaşıb. ABŞ-ın Nyu-York şəhəri 44-cü, Yaponiyanın paytaxtı Tokio isə 47-ci pillədədir.

Maraqlıdır ki, keçmiş SSRİ şəhərləri də siyahıya əlavə edilib. Məsələn, Vilnüs 81-ci, Tallin 89-cu, Riqa 91-ci, Kiyev 174-cü, Minsk isə 189-cu pillədədir.
Rusiyanın paytaxtı Moskva şəhəri siyahıda 168-ci pillə ilə kifayətlənməli olub. Rusiyanın digər böyük şəhəri Sankt-Peterburq isə 176-cı yerdədir.
Siyahını isə 231-ci pillə ilə İraqın paytaxtı Bağdad şəhəri bağlayır.

Siyahı hazırlanarkən siyasi stabillik, səhiyyə və təhsil səviyyəsi, cinayət səviyyəsi, nəqliyyatın effektliyi kimi kriteriyalar əsas götürülüb.

Hikmət
Ölkə.Az