Buddadan xoşbəxt həyatın sirləri

"Qəzəbi özündə yığıb saxlamaq - qaynar közü kiməsə atmaq məqsədilə ələ götürməyə bərabərdir"

Buddizm dinində ən müdrik varlıq və mütləq kamilliyə çatmış, başqalarına dini nicat yolunu göstərməyə qadir olan şəxs, Buddizm dininin banisi olan şəxs Buddadır. Budda öz mənəvi təlimləri ilə milyonlarla insanın ruhani məziyyətlər əldə etməsinə kömək etdi. Buddanın dövründə ölkəsinin xalqı Tanrı mövzusunda bir-biri ilə münaqişə edirdi.

Ölkə.Az olar Buddanın xoşbəxt və ahəngdar heyata dair 8 dərsini təqdim edirik:

1. Kiçikdən başlamaq normaldır. Bardaq tədricən, damcı-damcı dolur. Hər bir usta nə vaxtsa həvəskar idi. Biz hamımız kiçikdən başlayırıq, "kiçiyə" qarşı laqeyd davranmayın... Əgər siz ardıcıl hərəkət edir və səbirlisinizsə, müvəffəqiyyət qazanacaqsınız! Heç kim bir gecə ərzində uğur qazana bilməz, uğur kiçikdən başlayıb bardaq dolana qədər, səylə çalışmağa hazır olan kəslərə nəsib olur.

2. Bizim şüurumuz hər şeydir. Siz nə haqda düşünürsünüzsə, ona da çevrilirsiniz. Əgər insan pis fikirlidirsə, pis şeylər haqda düşünür və danışırsa, onda onu ağır əziyyət izləyir. Amma insan təmiz niyyət ilə danışar və hərəkət edərsə, onda xoşbəxtlik bir kölgə kimi onun arxasınca gəzər. Düzgün yaşamaq üçün beyni "düzgün" fikirlərlə doldurmaq lazımdır. Düzgün düşüncə tərzi sizə istədiyiniz hər bir şeyi verəcək. Yanlış düşüncə tərzi isə yalnız şərdir, o sizi axırda məhv edə bilər.

3. Bağışlamaq. Qəzəbi özündə yığıb saxlamaq - qaynar közü kiməsə atmaq məqsədilə ələ götürməyə bərabərdir. Siz onu hətta atsanız belə, ilk növbədə özünüz yanacaqsınız. Əgər siz "bağışlamamazdıq" məhbəsindən insanları azad etsəniz, özünüzü də bu məhbəsdən azad etmiş olursunuz. Bağışlamağı öyrənin!

4. Sizin hər hərəkətiniz məna daşıyır. İnkişaf etmək üçün, siz hərəkət etməlisiniz. Sürətlə inkişaf etsəz isə, daha tez hərəkət etməlisiniz. Şöhrət hamı üçün yaranıb, lakin yalnız daimi hərəkət edənlər onu əldə edə bilərlər. Atalar sözündə deyilir: "Allah hər bir quşa yemək üçün qurd verir, amma onu birbaşa yuvaya atmır"

Budda deyir: " Mən hərəkət edən adamların taleyinin birdən belə dəyişməyinə inanmıram, lakin mən inanıram ki hərəkət etməyən insanların taleyi yaxşılığa doğru heç vaxt dəyişmir"

5. Bir-birinizi anlamağa çalışın. Biz həqiqət uğrunda mübarizənı dayandırmışıq, biz yalnız özümüz üçün mübarizə aparırıq. Çalışın əvvəlcə anlayasınızz, sonra isə sizi anlasınlar. Başqa insanın nöqteyi-nəzərini anlamaq üçün siz bütün qüvvənizi toplamalısınız. İnsanları dinləyin, onların nöqteyi-nəzərini anlamağa çalışıs, bununla siz sakitlik əldə edəcəksiniz. Diqqət mərkəzinə haqlı olmağınızı yox, xoşbəxt olduğunuzu qoyun.

6. Özünüzə qalib gəlin. Minlərlə döyüş udmaqdansa, özünə qalib qəlmək yaxşıdır. Onda qələbə sizindir və sizin əlinizdən onu heç kəs ala bilməyəcək: nə mələklər, nə iblislər, nə cənnət, nə də cəhənnəm. Özünüzə qalib gəlmək üçün ağlınıza qalib gəlməlisiniz. Öz fikirlərinizi nəzarət altında saxlamalısınız. Onlar dəniz dalğaları kimi coşmamalıdır. Yəqin siz fikirləşəcəksiniz: "Mən öz fikirlərimə nəzarət edə bilmirəm, fikir istənilən vaxt gələ bilər". Mən buna belə cavab verə bilərəm: "Siz quşa sizin başınızın üstündə uçmağı qadağan edə bilməzsiniz, lakin şübhəsiz ki, siz o quşa başınızın üstündə yuva qurmağa mane ola bilərsiniz".

7. Ahəngdə yaşayın. Ahəng daxildən gəlir. Onu kənarda axtarmayın. Adətən biz reallıqdan özümüzü yayındırmaq üçün kənarda ahəng axtarırıq. Həqiqət ondadır ki, ahəngi yalnız özünüzün daxilində tapa bilərsiniz. Ahəngdarlıq yeni maşın, yeni iş, yeni nikah deyil, o, qəlbdəki sakitlik deməkdir. Ən əsası, o sizdən başlayır.

8. Minnətdar olun. Bizim şükür etmək üçün çox səbəbimiz var. Əgər çox oxuya bilməmişiksə, heç olmasa vaxt itirmədiyimizə görə, əgər vaxt itirimişiksə heç olmasa xəstələnmədiyimizə görə, əgər xəstələnmişiksə, heç olmasa hələ ölmədiyimizə görə şükür edək. Minnətdar olmaq üçün həmişə nəsə tapmaq olar. O qədər də bədbin olmayın, həmişə hətta mübahisə etdikdə və ya məyus olduqda, nə qədər də məyus olsanız belə şükür etmək üçün ən azı 10 səbəbiniz var. Bu səhər hamı yuxudan oyana bilmədi, bəziləri dünən sonuncu dəfə yatıb. Şükür edən qəlbiniz siz dahi insana çevirəcək...

Çinarə Vahabzadə

Ölkə.Az