Bank işçilərinin fırıldaqçılığa meylli olduğu sübüt edildi

Alimlər bank işçilərinin fırıldaqçılığa meylli olduqlarını sübüt ediblər.

Ölkə.Az "Nature" jurnalına istinadən xəbər verir ki, İsveçrə və ABŞ alimlərin psixoloji tədqiqatları nəticəsində müəyyən olunub ki, bankçılıq mədəniyyətinin normaları və dəyərləri fırıldaqçı hərəkətlərin artmasına şərait yaradır.

Bank işinin insanları şərəfsiz olmağa nə gədər həvəsləndirməsini aşkar etmək üçün alimlər könüllü olaraq böyük beynəlxalq bankın 128 əməkdaşını cəlb ediblər. İşçiləri təsadüfi olaraq 2 qrupa bölüblər. Birinci qrupun üzvlərindən onların peşəkar vəzifələri haqqında ətraflı məlumat alınıb. İkinci nəzarət qrupunun üzvlərinə isə ümumi xarakter daşıyan suallar verilib (məsələn "siz TV proqramlarına gündə neçə dəfə baxırsınız?").

Sonra könüllülərə 10 dəfə ardıcıl qəpik ilə püşk atmağı təklif ediblər və hər atışdan əvvəl pul mükafatını qəpiyin hansı tərəfinin gətirəcəyini onlara bildirilib.

Nəzarət qrupunda 51,6 faiz uduşlu atış haqqında, təcrübə qrupunda isə - 58,2 faiz haqqında bildirilib. Nəticədə məlum olub ki, təcrübə qrupun iştirakçılarının dörddə biri (onlara feal şəkildə onların pəşəsini xatırladırdılar) fırıldaq işlədib. Bu cür nəticə isə yalnız bank işçiləri arasında müşahidə olunub və digər peşələrin nümayəndələrinin iştirakı ilə analoji sınaq şərəfsiz davranışı bir o qədər geniş göstərməyib.

Alimlər alınmış nəticələri belə izah edirlər ki, bank sahəsinin iş mədəniyyəti fırıldağı işçilər arasında təşviq edir və bu insanların banklara etibar etməməyinin səbəblərindən biridir. Bank işçiləri ancaq gəlir haqqında yox, həmçinin hərəkətlərinin mənəvi nəticələri haqqında fikirləşsinlər deyə, tədqiqatçılar sahələrə Hippokrat andının analoqunu və etika kurslarını daxil etməyi təklif etdilər.

Çinarə Vahabzadə

Ölkə.Az