Roma Papalarının tabutu niyə Azərbaycan xalçasının üstünə qoyulur?

Azərbaycan xalçası əsrlər boyu eyni məqsəd üçün istifadə olunur?

Ölkə.Az xəbər verir ki, son günlər Roma Papalarının tabutlarının qoyulduğu xalça geniş müzakirələrə səbəb olub.

Belə ki, Roma Papası II İoan Pavelin ənənəvi vida mərasimində tabutunun bəzi mənbələrdə fars xalçası kimi təqdim edilən, əslində isə Azərbaycana məxsus xalçanın üzərinə qoyulduğu əks olunan şəkil müzakirə obyektinə çevrilib. Bəzi mənbələr bunun Təbriz xalçaçılıq məktəbinə, digərləri isə Qarabağ məktəbinə aid olduğunu iddia edirlər. Xalça ətrafında söz-söhbətlərin gəzməsi və şayiələrin yaranmasının yeganə səbəbi onun Vatikan tərəfindən ciddi şəkildə qorunmasıdır. Xalçaya yalnız xüsusi adamlar yaxınlaşa bilərlər.

"Papa" xalçasının təkcə son zamanlar yox, illər, hətta əsrlər boyu eyni məqsəd üçün istifadə olunduğuna dair ehtimallar irəli sürülür. Təəssüf ki, bu barədə məhdud informasiya olduğundan, dəqiq mühakimə irəli sürmək qeyri-mümkündür.

Rəşid Mustafazadə

Ölkə.Az