Uşaqlar üçün ağıllı bilərziklər satışa çıxdı

Valideynlər istədiyi zaman uşağının dəqiq harada olduğunu öyrənə biləcəklər.

Ölkə.Az xəbər verir ki, Cənubi Koreyanın texnologiya nəhəngi sayılan LG hazırladığı GizmoPal-ı istehlakçılara nümayiş etdirib. Uşaqların biləyində yer alan bu aksesuarın sayəsində valideynlər həm uşaqlarını təqib edə, həm də çox asan bir şəkildə çağırış göndərə biləcəklər.

Uşaqlar üçün hazırlanan GizmoPal iki nömrə dəstəkləyir. Cihaza quraşdırılan məlumatların sayəsində uşaq bircə düyməni basaraq ailəsi ilə əlaqə qura bilə və eyni zamanda gələn zəngləri cavablandıra biləcək.

Android və iOS tətbiqi ilə işləyən GizmoPal, GPS sistemini dəstəkləyir. Valideynlər istədiyi zaman uşağının dəqiq harada olduğunu öyrənə biləcəklər.

GizmoPal artıq 80 dollara Verizondan başlayaraq ABŞ-da satışa çıxıb. GizmoPal-ın yaxın zamanlarda digər ölkələrə gedib-getməyəcəyi isə hələ bilinmir.

Rəşid Mustafazadə

Ölkə.Az