Çernobılın yeni görüntüləri yayıldı

Denni Kuk faciənin yaşandığı bölgədə düz bir həftə qalıb

Ölkə.Az xəbər verir ki, rejissor Denni Kuk CBS News telekanalı üçün sənədli filmin çəkilməsi üçün Çernobıl faciəsinin eposentrində bir həftə qalıb. O, hazırladığı işin bir hissəsini Youtube sosial şəbəkəsində yerləşdirib. Sözügedən video, GoPro3+ kamera ilə təchiz edilmiş DJI Phantom 2 aparatı vasitəsilə çəkilib. Videogörüntülərdə kabus-şəhər adlanan Pripyat heç kəsin görmədiyi tərəfdən nümayiş olunub.

Həmin videonu sizlərə təqdim edirik:

Xatırladaq ki, Çernobıl faciəsi 26 aprel 1986-cı il Ukraynanın paytaxtı Kiyev şəhəri yaxınlığında yerləşən Çernobıl AES-inda baş vermişdi. Güclü nüvə partlayışından sonra yaranmış radioaktiv buludun böyük hissəsi Şərqi Avropaya doğru hərəkət etmişdisə, belə "ölüm bulud"unun yerdə qalan hissəsinin küləklər cənuba "sürükləmişdi". Hadisə zamanı 7000-ə yaxın insan həlak oldu, 25000 insan güclü radiasiya nəticəsində ömürlük şikəst olmuşdu, on minlərlə insan isə sonsuzluq xəstəliyinin qurbanına çevirildi. Bu faciədən sonra Çernobılda doğulan uşaların 90 %-də əlillik yaranır. Hadisədən neçə illər keçsə də, radiasiyanın fəsadları hələ də Avropada dolanmaqdadır.

Rəşid Mustafazadə

Ölkə.Az