Bu şəxs kəndin bütün sakinləri üçün villa tikdirib

Kəndin 72 ailəsi artıq yeni evlərə köçüb.

Ölkə.Az xəbər verir ki, çinli iş adamı Sün Şuixua Çinin cənubunda yerləşən doğma kəndinin bərbad yolları və tikililərini məhv etmək üçün xüsusi olaraq buldozerlər sifariş edib. O, hamarlanmış ərazidə hər bir ailə üçün yeni və müasir villalar tikdirib.

54 yaşlı iş adamı metallurgiya sahəsində özünü təsdiq etmiş və külli miqdarda maliyyə qazana bilmişdi. Kasib ailədə böyüyən Şün uşaq vaxtı ona mərhəmət və xeyirxahlıq göstərən insanları mükafatlandırmaq istəyib. Milyonçu olduqdan sonra o, ailəsinə vaxtilə yaxşılıq etmiş qonşularını və kəndin digər sakinlərini unutmayıb. Hər bir ailəyə villa tikdirməklə yanaşı, çinli iş adamı imkansız və qocaları gündəlik yeməklə təmin edib. Bildirilir ki, kəndin 72 ailəsi artıq yeni evlərə köçüb.

Layihənin ümumi dəyəri 7 milyon dollar məbləğində qiymətləndirilir.

Rəşid Mustafazadə

Ölkə.Az