Aşıq Ədalətin nəşi Qazaxa yola salındı
Azərbaycanın əməkdar incəsənət xadimi, Prezident təqaüdçüsü Aşıq Ədalət (Nəsibov) Qazaxda dəfn olunacaq.
"Ölkə.Az" xəbər verir ki, bu barədə "Report"a Azərbaycan Aşıqlar Birliyinin katibi Musa Çobanov məlumat verib.
O qeyd edib ki, Aşıq Ədalətin nəşi artıq Qazaxa yola salınıb : "Dəfn mərasimi Qazaxda keçiriləcək. Biz də vida mərasimində iştirak etmək üçün hazırda Qazaxa gedirik".
Xatırladaq ki, Aşıq Ədalət uzun sürən xəstəlikdən sonra sentyabrın 14-də, 78 yaşında vəfat edib.
