Tanınmış aktyor dünyasını dəyişdi

Aktyor Kaliforniyada yerləşən şəxsi evində ölüb

Ölkə.Az Lenta.ru saytına istinadən xəbər verir ki, "Addams ailəsi" teleserialında əsas rollardan birini ifa etmiş tanınmış amerikalı aktyor Ken Vezervaks dünyasını dəyişib.

1960-cı illərdə sevilən teleseriallardan biri olan "Addams ailəsi"-də Paqsli obrazını canlandırmaqla yadda qalmış aktyor Kaliforniyada yerləşən şəxsi evində ölüb. Bu barədə onun qardaşqızı Şanen Viera Facebook vasitəsilə yazıb. Onun sözlərinə görə, Vezervaksın ölümünə səbəb ürək tutması olub.

Paqsli obrazı Ken Vezervaks üçün yeganə rol olub.

Rəşid Mustafazadə

Ölkə.Az