"Azdrama"dan uzaqlaşdırılan əməkdar artist: "İsrafil İsrafilova sübut edəcəm ki..."

Qalmaqallı şəkildə Akademik Milli Dram Teatrından uzaqlaşdırılan tanınmış aktyor, əməkdar artist Telman Əliyev keçmiş iş yerinə qayıtmaqda israrlıdır.

Aktyor Olkə.az-ın əməkdaşı ilə söhbətində bildirib ki, "Azdrama"nın direktoru İsrafil İsrafilova özünün haqlı olduğunu sübut etmək niyyətindədir:

"Hazırda serialda çəkilirəm, eyni zamanda Mədəniyyət və İncəsənət Universitetində pedaqoji fəaliyyətimi davam etdiririrəm. Məni işə əvvəlcə Hacıbaba Bağırov, sonra Həsənağa Turabov dəvət edib. İşdən isə İsrafil İsrafilov çıxardıb. Haqsız olduğumu İsrafilə sübut edəcəyəm. Qırx səkkiz il teatrda çalışasan və tənqid üstündə işdən uzaqlaşdırılasan. Bu, dəhşətdir".

Sənətkar deyib ki, digər teatrlardan təkliflər olsa da, "Azdrama"ya qayıtmağı düşünür:

"Bütün teatrların rəhbərliyinə və orada çalışan həmkarlarıma hörmətim var, amma mən bu teatra könül vermişəm".

Qeyd edək ki. Telman Əliyev bu ilin yanvarından Akademik Milli Dram Teatrından uzaqlaşdırılıb. Aktyor işdən çıxarılmasını teatr rəhbərliyini tənqid etməsi ilə əlaqələndirir.

İntiqam VALEHOĞU
Ölkə.az