Azərbaycanlı modelyer mükafata layiq görüldü

Tanınmış modelyer-dizayner Gülnarə Xəlilova "İpək yolu" III Beynəlxalq Avrasiya Geyim Festivalında Azərbaycanı uğurla təmsil edib

Festival Çinin Urumçi şəhərində Duxuey beynəlxalq geyim şəhərciyinin sərgi mərkəzində keçirilib. Xəlilova "Master Exibition & Performance Award" nüfuzlu mükafatına layiq görülüb. 

"Mən bir-birinə rəvan şəkildə keçən üç kolleksiya təqdim etdim. Bunlar müxtəlif materiallardan ibarət "Emosiyaların partlayışı", "İlham"- xəz və dəri materiallarından istifadə etməklə geyimin üslublaşdırılmış toxunması, nəhayət ən sevimlilərdən biri "Ilmələrin sehri" - xalis əl işilə paltarın toxunuşudur. Sonuncuda bütün aksesuarlar, zinət, boyunbağı, sırğalar, qolbaqlar və hətta düymələr sapdan hazırlanıb. Ümumilikdə 43 geyim təqdim olunub, onlardan bəziləri ilk dəfə nümayiş olunub. Sevindirici haldır ki, publika bu koleksiyanı sürəkli alqışlarla qarşılayırdı, Çin KİV-i isə bu işləri yüskək qiymətləndirdi. Qeyd etmək istərdim ki, heç vaxt dünya podiumlarında bu qədər əl işilə toxunma məmulat təqdim olunmamışdı"-, deyə modelyer bildirib.

Festivalda 7 ölkənin - Azərbaycan, Rusiya, Qazaxıstan, Özbəkistan, Qırğızıstan. Hollandiya, Fransa dizaynerləri, Sintsyan-Uyğur Muxtar Vilayəti və Çinin müxtəlif şəhərlərinin modelyerləri iştirak ediblər./Qafqazinfo/

Ölkə.Az