"Rusiya düşməni" Bakıda çıxış etməyəcək

Andrey Makareviçin Heydər Əliyev sarayında 31 oktyabra təyin edilmiş konserti təxirə salınıb

Ölkə.Az vesti.az-a istinad edərək xəbər verir ki, saray rəhbərliyindən bildirilib ki, dövlət əhəmiyyətli bir çox tədbirlərin keçirilməsi ilə bağlı Makareviçin konsertinin bu tarixlərdə keçirilməsi qeyri-mümkündür.

Təşkilatçılara alternativ tarixlər təqdim olunsa da, onların heç biri musiqiçinin qrafiki ilə üst-üstə düşməyib.

İkitərəfli razılıqdan sonra konsert təxirə salınıb. Satılan bütün bilətlər şəhər kassalarına qaytarıla bilər. 

Qeyd edək ki, Andrey Makareviç və Kreol tanqosunun orkestri Bakıda caz, blüz və rok-n-rolldan ibarət konsert proqramı ilə çıxış etməyi planlaşdırırdı.

Xatırladaq ki, Andrey Makareviç Rusiyanın Ukrayna siyasətini tənqid etdiyi üçün deputatlar və KİV tərəfindən açıq ittihamlara məruz qalmış və "Xalq düşməni" adlandırılmışdı.

Rəşid Mustafazadə

Ölkə.Az