Sabah Azərbaycanda 14 dərəcə isti olacaq
Yanvarın 22-si Bakı və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi gündüz arabir güclənəcək, axşam şimal-qərb küləyi ilə əvəz olunacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən Ölkə.Az-a verilən məlumata görə, havanın temperaturu gecə 5-7 dərəcə, gündüz 9-14 dərəcə isti olacaq. Bakıda gecə 5-7 dərəcə, gündüz 12-14 dərəcə isti olacaq.
Sabah Azərbaycanın rayonlarında hava şəraitinin əsasən yağmursuz keçəcəyi, səhər bəzi yerlərdə duman olacağı gözlənilir. Qərb küləyi gündüz ayrı-ayrı yerlərdə güclənəcək.
Havanın temperaturu Aran rayonlarında gecə 1-6 dərəcə, gündüz 5-10 dərəcə isti, dağlıq rayonlarda gecə 6-9 dərəcə şaxta, gündüz 7-12 dərəcə isti olacaq.
Yanvarın 22-də Abşeron yarımadasında atmosfer təzyiqinin enməsi fonunda gündüz arabir güclənən giləvar küləyi bəzi meteohəssas insanlarda narahatlıq yarada bilər.
Yanvarın 23-də mülayim xəzri küləyinin əsməsi, iqlim normasına yaxın temperatur şəraiti meteohəssas insanlar üçün əsasən əlverişlidir.
