Əfv komissiyasının üzvü: “Tofiq Yaqublu barədə qərarın dəyişdirilməsi dövlətin humanizm prinsiplərinə əsaslanan siyasətinin əyani təzahürüdür”
Bunu “Ölkə.Az”a açıqlamasında Prezident yanında Əfv komissiyasının üzvü Əliməmməd Nuriyev deyib.
Onun sözlərinə görə, Tofiq Yaqublunun səhhətində ciddi problemin yaranmaması üçün məhkəmə humanist addım ataraq barəsində seçilən qərarı dəyişdi. “Bunu Azərbaycan dövlətinin növbəti humanist addımı, insan həyatının ən ali dəyər kimi qiymətləndirməsinin ən bariz nümunəsi hesab etmək olar. Məhkəmə qəbul ediyi qərar çox doğru qərar idi. Çünki Tofiq Yaqublu eyni zamanda Azərbaycanın ərazi bütövlüyü uğrunda mübarizə aparan şəxs olub. Belə insanlara hər zaman həssas yanaşam tələb edir və Azərbaycan məhkəməsi bunu əməli ilə sübut etdi”- Ə.Nuriyev bildirib.
Bir çox siyasi alverçilərin Tofiq Yaqublu məsələsində öz məqəsdlərini həyata ekçriməsi ilə bağlı məsələyə toxunan Əliməmməd Nuriyev bildirib ki, doğrudan da bir çoxları Yaqublunun həbsindən siyasi mənafelərini təmin etmək üçün, hətta ölkədə ictimai-siyasi sabitliyi pozmağa cəhd edənlər də yox deyildi: “Belə çağrşılar var idi. Lakin onların bu niyyətlərinin həyata keçirilməsinə imkan verilmədi. Ziyalılar, tanınmış ictimaiyyət nümayəndələrinin, medianın, qazilərin Tofiq Yaqublu barədə verilmiş hökmün dəyişdirilməsi ilə bağlı müraciəti öz müsbət nəticəsini verdi. Nəticə olaraq onun barəsində seçilən məhkəmə qərarı dəyişdi.
Ümid edirəm ki, qarşıdakı apellyasiya məhkəməsində Tofiq Yaqubluya münasibətdə daha ədalətli qərar veriləcək və o tamamilə azadlığa qovuşacaq. Bir daha qeyd edirəm ki, bu ölkə başçısının ölkədə cinayətin humanistləşdirilməsi siyasətinin məntiqi nəticəsi idi. Çünki Prezidentin fəaliyyətində mərhəmət, humanizm prinsipləri prioritet təşkil edir. Bu da onun növbəti nümunəsi idi”.
Mürtəza
Ölkə.Az