“Ermənistan Rusiyadan silah alana qədər biz torpaqlarımızı azad edəcəyik”

Bunu “Ölkə.Az”a açıqlamasında deputat Fəzail Ağamalı Ermənistanın Rusiyadan “Su-30” qırıcı təyyarələrinin alması ilə bağlı mediada gedən məlumata mövqeyini açıqlayarkən deyib.

Onun sözlərinə görə, bu yeni məsələ deyil:

“Hələlik Ermənistanın Rusiyadan yeni qırıcı təyyarələr almasının detalları bəlli deyil. Bəzi məlumatlara görə, onlar bu təyyarələrin ilk partiyasını ilin sonunda ala biləcəklər.  Ermənistan həmin təyyarələrin detallarını müəyyənələşdirənədək torpaqlarımızı işğaldan azad edəcəyik.Düşünürəm ki, o zamandək torpaqların geri qaytarılması reallaşa bilər. Qoy ermənilər  xam xəyallarlla yaşasınlar”- F.Ağamalı qeyd edib.

Deputat onu da bildirib ki, Ermənistanın bu gün üzləşdiyi səfalətli gündən çıxamasının yeganə yolu var:

“Bu da Azərbaycanın işğal etdiyi torpaqlardan əl çəkib,  Azərbaycan və Türkiyə ilə normal münasibətlər qurmasından keçir. Əks təqdirdə Ermənistanı daha çətin günlər gözləyir. Orada hansı qüvvənin hakimiyyətə gəlməsindən asılı olmayaraq, işğal faktına son vermədən üzləşdiyi böhrandan çıxa biməz.Baxın, bir il öncə Paşinyan hakimiyyətə gəldi. Nəsə müsbətə doğru dəyişiklik baş verdi? Yox! Olmayacaq da!  Bu gün Ermənistan səfalət işərisində məhv olub gedir”.

Deputat onu da əlavə edib ki, Ermənistanı bu gün səfalət içərisində məhv olub gedən ölkələrlə müqayisə etmək olar:
“Dünyanın inkişaf etməmiş, geridə qalmış ölkələri ilə müqayisə oluna bilər. Mozambik kimi ölkələrlə. Bu gün  sadəcə  Ermənistan arxalarında duran qüvvələrə arxayın işğalı davam etdirir.

Biz də Ordumuzun, xalqımızın gücünə arxalanıb müharibəyə hazırlaşıb, torpaqlarımızı azad etməliyik”.

Mürtəza
Ölkə.Az