KORONAVİRUSA YOLUXANLARIN SAYI - CANLI STATİSTİKA

İsveçdə Azərbaycan Xalq Cümhuriyyətinin 101 illiyi belə qeyd edildi

İsveçdə Azərbaycan Xalq Cümhuriyyətinin 101 illiyi belə qeyd edildi
14:42
13.06.2019
3160
Siyasət
A
İyunun 2-də İsveçin Stokholm şəhərində “Tumurcuq” teatrının premyerası keçirilib. Premyera Azərbaycan Xalq Cümhuriyyətinin 101 illiyinə həsr olunaraq “101 uşağın nəvələri” adı ilə təqdim olunub.

“Ölkə.Az” xəbər verir ki, tədbiri ürək sözləri ilə açan Türk dram teatrının bədii rəhbəri və rejissoru Burcu Ada Soysop “Tumurcuq”un ilk addımlarında və ilk premyerasında azərbaycanlı dostların yanında olduğundan qürur duyduğunu xüsusi vurğulayıb. Burcu xanım, teatrın bədii rəhbəri və rejissoru Sevinc Nəzərli başda olmaqla teatrın bütün kollektivini təbrik edərək bu uzun və zəhmətli yolda onlara səmimi-qəlbdən uğurlar arzulayıb. 

Teatrın mövzusu Məhəmməd Əmin Rəsulzadənin Cümhuriyyəti qurduğu dönəmdə ilk işindən biri 100 gənci xarici ölkələrdə təhsil almağa göndərməsi olub. Məhz burdan qaynaqlanaraq Sevinc Nəzərli ssenarini bu məsələ üzərində qurub. Keçən əsrin əvvəllərində xaricə təhsil almağa gedən 101 (Azərbaycan Xalq Cumhuriyyətinin 101 illiyi şərəfinə simvolik olaraq 101 götürülüb) gəncdən biri Azərbaycanın ucqar kəndlərindən birinin yazma, oxuma bilməyən savadsız bir ailənin oğludur. O, həmin siyahıda adı olanlardan biri olaraq məsələni valideynlərinə anladır. Kənd yerində yaşayan bir ailə üçün təbii bir qeyri- adi qarşılandığı üçün öncə uşağa qarşı çıxsalar da sonradan razılaşaraq valideynlər onu xaricə təhsil almağa yollayırlar.

Tamaşanın ikinci hissəsində hadisələr müasir zamanda xaricdə təhsil alıb gəlmiş övladı təsvir olunur.  101 uşağın nəvələri adı da məhz burdan qaynaqlanır. Həmin nəvələrin indiki durumu tamaşanın ikinci hissəsinin mövzusu olur.

Onu da nəzərinizə çatdıraq ki, tamaşaya baxmaq üçün İsveçin bir çox şəhərlərindən  azərbaycanlılar gəlib. Tamaşa bütün izləyicilər tərəfindən böyük maraqla, coşqulu alqışlarla qarşılanıb. 

İsveçin cənub şəhəri olan Malmödan VAD birliyinin sədri və teatrşünas Ayə xanım Coşğun  gənc kollektivə dəstək olmaq üçün gələrək hədiyyələri ilə balaca tumurcuqları sevindirib. Həmçinin teatrın bədii rəhbəri və rejissoru Sevinc xanıma bu məsuliyyətli işdə yorulmadan davam etməyi arzulayıb. Ayə xanım bildirib ki, “Tumurcuq”un açıldığını eşitdiyi ilk gündən  böyük sevinc hissi ilə bu yeni kollektivi izləyir həmçinin hər cür əməkdaşlığa hazır olduğunu bildirib. Tamaşaya gəlincə anşlaqla keçən tamaşadan çox təsirləndiyini deyib. Peşəkar səhnədə ilk dəfə çıxış edən gənc kollektivin, balaca aktyor və aktrisalarımızın  belə mükəmməl oyun gırüncə qürurdan sevinc göz yaşlarını saxlaya bilmədiyini bıyük həyəcanla anladıb.

Ayə xanım: “Son 17 ildə Azərbaycan teatr səhnələrindən uzaq qalmışdım. Balacalarımızın oyununu izlərkən çox böyük zövq aldım uşaqların performansı inanılmaz idi, olduqca təbii və səhvsiz oynadılar. Fəxr etdim ki, İsveçdə belə bir teatr ənənəsinin əsasını qoydunuz və mükəmməl iş sərgilədiniz”. 
Tumurcuğa dəstək verən təşkilatlardan biri də İsveç Azərbaycan Konqresinin sədri Emil Mirzəyev olub. Emil Mirzəyev öz çıxışında Burcu xanıma Azərbaycan teatr dərnəyinə göstərdiyi xüsusi diqqət və qayğıya görə dərin təşəkkürünü bildirib. Eyni zamanda hər an “iki dövlət,bir millət devizinə” sadiq qalaraq böyük məmnuniyyətlə türk qardaşlarımızla gələcəkdə də əməkdaşlığa açıq olduğunu bildirib. Emil Mirzəyev “Tumurçuq”un kollektivini, teatrın rejissoru və bədii rəhbəri Sevinc Nəzərlini təbrik edərək öz hədiyyələri ilə balaca tumurcuqları sevindirib. Emil bəy, xüsusən, onu da qeyd edib ki, İsveçdə yaradılan ilk Azərbaycan teatrı olan “Tumurcuq” tarixdə bir ilkə imza atıb. Həm Azərbaycan tarixinin şanlı səhifəsindən biri olan Cümhuriyyət tarixinə müraciət edib, həm də ilk tamaşa ilə həm Azərbaycan həm də İsveç tarixində həm zaman tarixdə qalacaq önəmli bir iş ortaya qoyub.  

“Tumurcuq”un balaca qəhrəmanları Məhəmməd Əli Nəzərli, Xəyal Seyidov, Günel Brodin və Nigar Məsimli ilk dəfə olaraq aktyor və aktrisa kimi özlərini sınadıqlarını bildiriblər. Nəzərinizə çatdıraq ki, onların üçü İsveçdə doğulub böyümüş uşaqlar olaraq öz dillərində mükəmməl danışır.  Onlar bu işə  sevinc və sevgiylə  başladıqlarının məmnunluğunu yaşadıqlarını bildiriblər. Xüsəsən də, tamaşanın uğurla nəticələnməsi və seyirci sevigisinin sevincini yaşamaqları onlara stimul verərək gələcək işlərində daha inam və ümidlə addımlamağa sövq etdiyini bildiriblər. 

Teatrın bədii rəhbəri və rejissoru Sevinc Nəzərlinin sözlərinə görə hazırlıqların çox qısa zamanda aparılmasına baxmayaraq uğurlu nəticənin əldə olunması onu ürəkdən sevindirərək gələcək planlarında stimul vermiş olub. Sevinc xanım onu da bildirib ki: “Məqsədimiz İsveçdə Azərbaycan mədəniyyətini yaşatmaq və təbliğ etməkdir. İsveç xalqı və ictimaiyyəti Azərbaycan mədəniyyətinin inciləri və tarixi ilə yaxından tanış olmalıdır. Bizim Müstəqil və demokratik dövlətimiz və dövlətçiliyimiz ənənəmiz var bütün bunları yaşatmaq üçün hər şeydən öncə bir sadə vətəndaş daha sonra İncəsənət universitetinin rejissorluq fakültəsini bitirən ixtisaslı və peşəkar bir rejissor kimi bu missiyanı yerini yetirmək üçün əlimdən gələni edəcəyəm. Mən teatr və mədəniyyətimizi təbliğ etməkdən böyük zövq alıram və bu yolda istənilən çətinliklərlə mücadilə etməyə hazıram”.  

Elnur Eltürk
Ölkə.Az

ŞƏRH YAZ
0

Əfv komissiyasının üzvü: “Tofiq Yaqublu barədə qərarın dəyişdirilməsi dövlətin humanizm prinsiplərinə əsaslanan siyasətinin əyani təzahürüdür”

Əfv komissiyasının üzvü: “Tofiq Yaqublu barədə qərarın dəyişdirilməsi dövlətin humanizm prinsiplərinə əsaslanan siyasətinin əyani təzahürüdür”
17:49
Bu gün
101
Siyasət
A
Törətdiyi cinayət əməli məhkəmədə sübuta yetirilən və 4.3 il müddətinə azadlıqdan məhrum olunan Tofiq Yaqublu haqqında qərarın dəyişdirilməsi Azərbaycan dövlətinin humanizm prinsiplərinə əsaslanan siyasətin əyani təzahürdür.

 Bunu “Ölkə.Az”a  açıqlamasında Prezident yanında Əfv komissiyasının üzvü Əliməmməd Nuriyev deyib.

Onun sözlərinə görə,  Tofiq Yaqublunun səhhətində ciddi  problemin yaranmaması üçün məhkəmə humanist addım ataraq barəsində seçilən qərarı dəyişdi. “Bunu Azərbaycan dövlətinin növbəti humanist addımı, insan həyatının ən ali dəyər kimi qiymətləndirməsinin ən bariz nümunəsi hesab etmək olar. Məhkəmə qəbul ediyi qərar çox doğru qərar idi. Çünki Tofiq Yaqublu eyni zamanda  Azərbaycanın ərazi bütövlüyü uğrunda mübarizə aparan şəxs olub. Belə insanlara  hər zaman həssas yanaşam tələb edir və Azərbaycan məhkəməsi bunu əməli ilə sübut etdi”- Ə.Nuriyev bildirib.

Bir çox siyasi alverçilərin Tofiq Yaqublu məsələsində öz məqəsdlərini həyata ekçriməsi ilə bağlı məsələyə toxunan Əliməmməd Nuriyev bildirib ki, doğrudan da bir çoxları Yaqublunun həbsindən siyasi mənafelərini təmin etmək üçün, hətta ölkədə ictimai-siyasi sabitliyi pozmağa cəhd edənlər də yox deyildi: “Belə çağrşılar var idi. Lakin onların bu niyyətlərinin həyata keçirilməsinə imkan verilmədi. Ziyalılar, tanınmış ictimaiyyət nümayəndələrinin, medianın, qazilərin  Tofiq Yaqublu barədə verilmiş hökmün dəyişdirilməsi ilə bağlı müraciəti öz  müsbət nəticəsini verdi. Nəticə olaraq onun barəsində seçilən məhkəmə qərarı dəyişdi.

Ümid edirəm ki, qarşıdakı apellyasiya məhkəməsində Tofiq Yaqubluya münasibətdə  daha ədalətli  qərar veriləcək və o tamamilə azadlığa qovuşacaq. Bir daha qeyd edirəm ki, bu ölkə başçısının ölkədə cinayətin humanistləşdirilməsi siyasətinin məntiqi nəticəsi idi. Çünki Prezidentin  fəaliyyətində  mərhəmət, humanizm prinsipləri prioritet təşkil edir.  Bu da onun növbəti nümunəsi  idi”.

 Mürtəza
Ölkə.Az

ŞƏRH YAZ
0

Tofiq Yaqublu xəstəxanadan evə buraxıldı — YENİLƏNİB

Tofiq Yaqublu xəstəxanadan evə buraxıldı
17:28
Bu gün
153
Siyasət
A
Müsavat Partiyasının fəalı Tofiq Yaqublu xəstəxanadan evə buraxılıb.

Report” xəbər verir ki, o, müalicə aldığı “City Hospital”ın qarşısında jurnalistlərin suallarını cavablandırıb.

Qeyd edək ki, Nizami Rayon Məhkəməsi T.Yaqublunun 4 il 3 ay müddətinə azadlıqdan məhrum edilməsi barədə hökm çıxarıb. Bu gün Bakı Apellyasiya Məhkəməsində həmin hökmdən verilən şikayətə baxılıb.

İttihama görə, avtomobil qəzası zamanı T.Yaqublu digər maşının sürücüsünü və onun yanında olan həyat yoldaşını təhqir edib, vurub, sürücüyə vintaçanla xəsarət yetirib. O, ittihamları qəbul etmədiyini bildirir.

T.Yaqublu 17 gündür aclıq aksiyası keçirirdi. O, sentyabrın 12-də istintaq təcridxanasından “City Hospital”a köçürülüb.

Bu gün Bakı Apellyasiya Məhkəməsinin qərarı ilə T.Yaqublu barədə həbs qətimkan tədbiri ev dustaqlığı qətimkan tədbiri ilə əvəz edilib. O, məhkəmə qərarından sonra aclıq aksiyasını dayandırıb.

****

Müsavat Partiyasının fəalı Tofiq Yaqublu aclıq aksiyasını dayandırıb.

"Ölkə.Az" xəbər verir ki, bu barədə “Report”a həkim Adil Qeybulla bildirib.

Onun sözlərinə görə, hazırda T.Yaqublu qida qəbul eləməyə başlayıb:

“Tofiq Yaqublunun səhhəti kafidir. Aclıq aksiyasını dayandırıb. Vəziyyətinə baxaq ya bu gün, ya da sabah evə buraxılacaq”.

Qeyd edək ki, Nizami Rayon Məhkəməsi T.Yaqublunun 4 il 3 ay müddətinə azadlıqdan məhrum edilməsi barədə hökm çıxarıb. Şikayət həmin hökmdən verilib.

İttihama görə, avtomobil qəzası zamanı T.Yaqublu digər maşının sürücüsünü və onun yanında olan həyat yoldaşını təhqir edib, vurub, sürücüyə vintaçanla xəsarət yetirib. O, ittihamları qəbul etmədiyini bildirir.

T.Yaqublu 17 gündür aclıq aksiyası keçirirdi. O, sentyabrın 12-də istintaq təcridxanasından "City Hospital"a köçürülüb.

Bu gün Bakı Apelyasiya Məhkəməsinin qərarı ilə T.Yaqublu barədə həbs qətimkan tədbiri ev dustaqlığı qətimkan tədbiri ilə əvəz edilib.

ŞƏRH YAZ
0
BAĞLA
X Mostbet