KORONAVİRUSA YOLUXANLARIN SAYI - CANLI STATİSTİKA

Koronavirusdan sağalan Şəhla Novruzova: “Boğulurdum və ayaq üstə dayana bilmirdim”

Koronavirusdan sağalan Şəhla Novruzova: “Boğulurdum və ayaq üstə dayana bilmirdim”
11:22
10.07.2020
10066
Ölkə
A
Şəhla Novruzova koronavirusdan sağalan şəxslərdən biridir. Onun ev şəraitində COVID-19-dan sağalmaq cəhdi uğursuz olub və qadın ağır vəziyyətdə Mərkəzi Gömrük Hospitalına çatdırılıb. Həkimlərin səyləri sayəsində hazırda Ş.Novruzova özünü yaxşı hiss edir və evə buraxılıb.

Media.Az-a verdiyi müsahibədə Şəhla Novruzova xəstəliyi necə keçirdiyindən danışıb.

- Sizi nə vaxt xəstəxanaya apardılar?

- Bu, iyun ayının 18-də baş verib. İyunun 26-da isə test nəticələrim mənfi çıxdı və məni evə buraxdılar. Xəstəxanaya necə ağır vəziyyətdə aparıldığımı təsəvvür edə bilməzsiniz. Dəhşətli dərəcədə nəfəs çatışmazlığı vardı, ayaq üstə dayana bilmirdim, danışmaq iqtidarında deyildim. Təcili və Təxirəsalınmaz Tibbi Yardım xidmətinin həkimləri mənə yardım etdilər, üç gün süni tənəffüs dəstəyi alandan sonra vəziyyətim yaxşılaşmağa başladı. Sərbəst nəfəs almağıma, gəzməyimə inana bilmirdim.

- Xəstəliyin ilk əlamətlərini xatırlaya bilərsiniz?..

- Məndə ilk əlamət qoxu hissinin itməsi oldu. Hazırda Türkiyədə təhsil alan həkim qızıma zəng etdim. O, mənə müəyyən dərmanlar qəbul etməyi məsləhət gördü. Eyni zamanda, koronavirus testi verdim və kompüter tomoqrafiyası müayinəsindən keçdim. Nəticədə, ağciyərlərimdə “buzlu şüşə” sindromu müəyyən edildi. Bir həftə evdə müalicə aldım, lakin sonra vəziyyətim pisləşməyə başladı, tənəffüs çatışmazlığı ortaya çıxdı. Məhz bundan sonra təcili tibbi yardım çağırdıq və mən Mərkəzi Gömrük Hospitalına yerləşdirildim. Bu zaman artıq mənim əllimdə testimin müsbət olduğunu təsdiq edən nəticələr vardı.

- Evdə hansı dərmanlarla müalicə olunurdunuz?

- Virus əleyhinə həblər və antibiotiklərlə. Ancaq ev müalicəsi nəticə vermədi, vəziyyətim pisləşdi.

- Siz qeyd etdiniz ki, xəstəliyi çətin keçirdiniz. Digər yanaşı xəstəlikləriniz var idimi?

- Xeyr, xroniki xəstəliklərim yoxdur, sağlam həyat tərzi keçirirəm və pandemiya zamanı bütün qaydalara əməl etmişəm. Buna görə də, yoluxduğumu biləndə çox təəccübləndim. Həyat yoldaşım evdə xəstədir, daim ona baxıram, demək olar ki, çölə çıxmıram. Düşünürəm ki, mən evimizə gələn şəxslərdən virusa yoluxmuşam. Allaha şükür ki, infeksiya məndən ərimə keçmədi.

- Pandemiya xəstələrinin müalicə olunduğu xəstəxanalarda vəziyyət necədir?

- Bilirsiniz, mən müsbət mənada təəccübləndim. Tibbi personalın diqqəti və dəstəyi xəstələr üçün çox önəmlidir. Həkimlər xəstələrin vəziyyətini daim nəzarətdə saxlayır, temperatur ölçülür, qan analizi götürülür, xəstələri lazımi dərmanlarla zamanında təmin edirlər. Gəcə və ya gündüz fərq etmir, nəzarət hər zaman var. Yaxşı yadımdadır, həkimlər gecə saat üçdə, yaxud sübhə yaxın saat beşdə mənə yaxınlaşıb, vəziyyətimi nəzarət altında saxlayırdılar. Xəstəxanada çalışan tibb bacıları xüsusi diqqətə layiqdirlər. Palatada həmişə səliqə-sahman hökm sürür, gündə üç dəfə yemək verilir, həmişə vaxtında gətirilirdi və dadlı olurdu.

Həyatımı xilas edən həkim Tofiq Bayramova xüsusi təşəkkürümü bildirirəm.

Eləcə də, tibb bacıları Olqa Xasayevaya, Fəxriyyə Səmədovaya, həkimlərdən Elvin Əzizova, Səidə Kərimovaya, Namiq Novruzova və Təranə Göyüşovaya minnətdaram. Ola bilsin, hamının adlarını xatırlamıram, amma Mərkəzi Gömrük Hospitalının işçilərini ağ xalatlı mələklərlə müqayisə edərdim.

Gözlərimin önündə çox insanın həyatını qurtardılar, yorğun olsalar da, hər zaman hər cür kömək və dəstək verməyə hazır idilər. Koronavirus xəstələri üçün yaradılan şəraitə görə Prezidentimizə və Mərkəzi Gömrük Hospitalının rəhbərliyinə xüsusi təşəkkür edirəm.

- Koronavirusa inanmayanlara və karantin qaydalarına əməl etməyənlərə nə demək istərdiniz?

- COVID-19 - gözəgörünməz öldürücü düşməndir. O, bədəni sürətlə sıradan çıxaran dəhşətli xəstəlikdir. Vəziyyətimi xatırlayıram və qorxuya düşürəm! Hər kəs özü və sevdikləri üçün məsuliyyət daşımalıdır. Maska ​​taxmaq və sosial məsafəni saxlamaq çətin deyil, bununla nə qədər insanın həyatını xilas etmək olar! Bunu yadınızda saxlayın və unutmayın!

ŞƏRH YAZ
0

Azərbaycanda reanimasiyada olan xəstələrin sayı açıqlandı

Azərbaycanda reanimasiyada olan xəstələrin sayı açıqlandı
23:41
05.08.2020
201
Ölkə
A
Azərbaycanda koronavirusla bağlı son statistika açıqlanıb.

"Ölkə.Az" xəbər verir ki, Tibbi Ərazi Bölmələrinin İdarəetmə Birliyindən (TƏBİB) verilən məlumata görə, bu gün 7883 koronavirus testi edilib. Onlardan 193-ü pozitiv çıxıb. Bununla da ölkə ərazisində indiyə qədər edilən koronavirus testlərinin sayı 759 229-a çatıb.

Məlumata görə, hazırda reanimasiyada olan koronavirus xəstələrinin sayı 255 nəfərdir. Onlardan 51 nəfəri süni tənəffüs cihazında olan xəstələrdir.

Hazırda ölkədə 3787 nəfər aktiv koronavirus xəstəsi var.

ŞƏRH YAZ
0

Bakıda 88 yaşlı qadın koronavirusa qalib gəldi — VİDEO

Bakıda 88 yaşlı qadın koronavirusa qalib gəldi
21:51
05.08.2020
448
Ölkə
A
Bakıda 88 yaşlı qadın koronavirusdan sağalıb.

"Ölkə.Az" xəbər verir ki, Bakıdakı modul tipli xəstəxanada koronavirusdan müalicə alan Həlimə Zeynalova 2 həftə əvvəl Covid-19 diaqnozu ilə daxil olub və müalicələr nəticəsində infeksiyaya qalib gəlib. Həlimə Zeynalovanın koronavirusla yanaşı xəstəliyi olmayıb.

H.Zeynalovanın gəlini Nübar Əliyeva da onunla eyni xəstəxanada müalicə alıb.

“Xəzər TV”nin süjetini təqdim edirik:

ŞƏRH YAZ
0
BAĞLA