Müasir qidalar insanların üz cizgilərini dəyişib

''Ölkə.Az'' xəbər verir ki, beynəlxalq arxeoloq kollektivi yüz min illik insan üzünün necə dəyişikliyə məruz qalmasını incələyib. Meymunlar və qədim insanlar iri qaş və gözə, dişlərə, geniş alına sahib olublar. Müasirləşən insanlar yemək bişirməyi öyrəndikdən sonra və yeni qidalar kəşf etdikcə üz cizgiləri daralmağa başlayıb. York və Hull universitetinin alimləri qədim zamanlarda Afrikada yaşamış və indiki müasir insanların simalarını müqayisə ediblər.

Belə ki, York universitetinin professoru Paul Ohiggins bildirib ki, ''daha yumşaq, müasir qidalar günümüzdə istifadə olunduğu üçün insan üzündə xeyli dəyişikliklər olub. Və bu dəyişikliyin davam edəcəyi gözlənilir''. Eyni zamanda qədim insanlar ovçuluqdan, əkinçiliyə keçid etdikləri üçün və taxıl, buğda, qarğıdalı kimi vacib qidaları becərdikləri üçün üz cizgiləri böyük ölçüdə dəyişikliyə uğrayıb.

Ölkə.Az