Tramp koronavirusa qarşı bu dərmanı təklif etdi
ABŞ Prezidenti Donald Tramp koronavirusdan qorunmaq üçün dərman təklif edib.
"Ölkə.Az" “Haber Global”a istinadən xəbər verir ki, o, koronavirusa qarşı “hidroksiklorokin” dərmanının istifadə edilə biləcəyini söyləyib:
“Mən bu dərmanın əlavə müdafiə təmin etdiyinə inanıram. İstifadə etmək üçün həkiminizlə məsləhətləşin”.
ABŞ Qida və Dərman İdarəsinin (FDA) həmin dərmanın digər orqanlara zərər vura biləcəyini söyləməsinə baxmayaraq, Tramp bu açıqlamanı ona qarşı düşməncə münasibət göstərənlərin bilərəkdən verdiyini deyib:
“İtaliya, Fransa və digər ölkələrdən gələn xəbərlərə baxsanız, vəziyyətin tam əksini görərsiniz. Bir çox səhiyyə işçisi də bu dərmanı xəstələrə verir. Hazırda bir çox şirkət də koronavirusun müalicəsi üçün yeni metodların inkişaf etdirilməsi üçün çalışır. Bu, peyvənddən daha önəmlidir”.
Ölkə.Az
