Bakının bəzi hissələrində su olmayacaq
“Azərsu” ASC abonentlərdən üzr istəyir.
Bu gün Bakının bəzi rayonlarında içməli suyun verilməsində fasilələr yaranacaq.
“Azərsu” ASC-dən Ölkə.Az-a verilən məlumata görə, II Bakı su kəmərinin Binəqədi rayonu Rəsulzadə qəsəbəsi ərazisindən keçən hissəsində qəza baş verib.
Bildirilir ki, qəzanın aradan qaldırılması ilə əlaqədar Bakı şəhəri Heydər Əliyev, Azadlıq, Bülbül, Ziya Bünyadov, Nobel, Babək prospektlərinin, S.Vurğun, S.Rüstəm, İ.Nəbiyev, R.Behbudov, Füzuli, Əliyar Əliyev, Kazımağa Kərimov, Aşıq Qurban küçələrinin, Yeni Günəşli, Keşlə və NZS qəsəbələrinin bəzi hissələrinə, “Azərneftyağ” neft emalı zavoduna, Ə.Bayramzadə adına 1 saylı İstilik Elektrik Mərkəzinə içməli su 2014-cü il 08-09 dekabr tarixlərində məhdudiyyətlə veriləcək.
Yaranmış narahatlıqla əlaqədar “Azərsu” ASC abonentlərdən üzr istəyir.
Ölkə.Az
