DİN-dən ata-anasını öldürən qatillə bağlı açıqlama
DİN-dən "Ölkə.Az"a verilən məlumata görə, həyata keçirilən əməliyyat axtarış tədbirləri nəticəsində valideynlərini qətlə yetirən Şöhrət Məsimovun rayonun Dəyirmandağ kəndi ərazisində Qarabağlılar adlanan ərazidə köhnə tikilidə gizləndiyi məlum olub. O, həmin yerdə tutulub.
Bildirək ki, hadisə ailə münaqişəsi zəminində baş verib. Ş.Məsimov ata-anasını Şəmkir rayonunda yaşayan bacısına görə qətlə yetirib. O, bacısını müəyyən səbəblərə görə qəbul etməyib, ata-anasına onu evə buraxdıqlarına görə etiraz edib.
Məlumata görə, Ş.Məsimov bacısını və onun övladını da qətlə yetirmək niyyətində olub.
Qeyd edək ki, sentyabrın 21-də Gədəbəy rayonunun Qurudərə kəndində yaşayan Şöhrət Məsimov evində ailə-məişət münaqişəsi zəminində atası Mikayılı və anası Aynanı bıçaqla qətlə yetirib hadisə yerindən qaçmışdı.
