Həftənin icmalı

Erməni helikopterinin vurulması anını çəkən əsgər cəzalandırıldı

Noyabrın 2-də Ağdamda Azərbaycan Silahlı Qüvvələri tərəfindən Ermənistana məxsus vurulan helikopteri çəkən hərbçi cəzalandırılıb.

Ölkə.Az ans tv-yə istinadən xəbər verir ki, bu sözləri Müdafiə Nazirliyinin mətbuat xidmətinin rəhbəri Vaqif Dərgahlı millət vəkili Aqil Abbasın iradına cavab olaraq bildirib.




"Bandotdel"də kadr dəyişikliyi

Baş Mütəşəkkil Cinayətkarlığa Qarşı Mübarizə İdarəsinin yeni rəisi Seyfulla Əzimov kadr dəyişikliyi edib.

Ölkə.Az aznews.az-a istinadən xəbər verir ki, o, idarənin Terrorizm və Banditizmə qarşı Mübarizə şöbəsinə yeni rəis təyin edib. S.Əzimov bu posta keçmiş işçisi, Nəsimi Rayon Polis İdarəsinin 22-ci polis bölməsinin əməkdaşını gətirib.




Mikayıl Cabbarovdan rektorlara — XƏBƏRDARLIQ

Azərbaycanın təhsil nazırı Mikayıl Cabbarov ali təhsil müəssisələrində 2014/2015-ci tədris ilinin payız semestrinin imtahan sessiyasının keçirilməsi barədə əmr verıb.

Təhsil Nazirliyindən verilən məlumata görə, əmr sessiyanın mövcud qaydalara uyğun təşkil etmək, tələbələrin biliyinin qiymətləndirilməsində şəffaflığı və obyektivliyi təmin etmək məqsədilə verilib.




Baş nazirdən transplantasiya haqda — QƏRAR

Azərbaycanda insan orqan və ya toxumalarının transplantasiyasının həyata keçirildiyi ixtisaslaşdırılmış tibb müəssisələrinin siyahısına yeni bir müəssisə daxil edilib.

Ölkə.Az Trendə istinadən xəbər verir ki, Səhiyyə Nazirliyinin təklifini nəzərə alaraq "İnsan orqan və (və ya) toxumalarının transplantasiyasının həyata keçirildiyi ixtisaslaşdırılmış tibb müəssisələrinin Siyahısı"na əlavə edilib.


"Əli İnsanov 2015-ci ildə əfv olunacaq"

Bunu Ölkə.az-a açıqlamasında siyasi öncə görən, nadim Alexanov deyib. Onun sözlərinə görə, 2015-ci ildə gözlənilən əfvlər arasında heç kəsin gözləmədiyi əfvlər də olacaq: “Mən 2015-ci ildə bir sıra tanınmış məhbusların da əfv olunacağını hiss edirəm. Əli İnsanov 2015-ci ildə əfv olunacaq".



Müdafiə Nazirliyindən Ermənistan KİV-lərinə cavab

Azərbaycan Müdafiə Nazirliyi Ermənistan KİV-lərinin Azərbaycan Silahlı Qüvvələrinin (SQ) cəbhədə təxribat törətməsi haqda yaydığı məlumatlara münasibət bildirib.

Ölkə.Az Müdafiə Nazirliyinin saytına istinadən həmin məlumatı təqdim edir:

“Müdafiə Nazirliyi bildirir ki, Ermənistanın elektron kütləvi informasiya vasitələrinin guya Azərbaycan Silahlı Qüvvələrinin cəbhədə təxribat törətməsi və bunun nəticəsində itki verməsi barədə yaydığı məlumatların heç bir əsası yoxdur və bu, Ermənistan SQ bölmələrinin verdiyi itkilərin sayının gizlədilməsi məqsədilə atılan növbəti addımdır".




Müdafiə Nazirliyi: Erməni kəşfiyyat-təxribat qrupları məhv edildi

Erməni kəşfiyyat-təxribat qrupları Azərbaycan Ordusu tərəfindən məhv edilib.

Müdafiə Nazirliyinin mətbuat xidmətindən Ölkə.az-a bildiriblər ki, dekabrın 8-də axşam saatlarında cəbhənin cənub istiqamətində erməni kəşfiyyat-təxribat qrupları təmas xəttini keçməyə cəhd göstəriblər.

Silahlı Qüvvələrimizin bölmələrinin sayıqlığı, düşmənin yaxınlaşmasının əvvəlcədən aşkar edilməsi və görülən qabaqlayıcı tədbirlər nəticəsində şiddətli atışma zamanı çoxsaylı itki verən ermənilər geri çəkilməyə məcbur edilib.



Azərbaycan MDB-nin ən hərbiləşmiş ölkələrinin üçlüyündə

Post-sovet məkanının üç ölkəsi – Ermənistan, Rusiya və Azərbaycan Qlobal Hərbiləşmə İndeksi -2014 (GMİ) reytinqində ilk üçlüyə daxil olublar.

Ölkə.Az oxu.az-a istinadən bildirir ki, bu barədə məlumatı Bonn beynəlxalq konversiya mərkəzi yayıb.

Dünya reytinqinə İsrail, Sinqapur və Ermənistan başçılıq edirlər.




MTN əməliyyat keçirdi: Həbs edilən 11 nəfərin arasında qadınlar da var

Milli Təhlükəsizlik Nazirliyi (MTN) tərəfindən həyata keçirilmiş əməliyyat-axtarış tədbirləri nəticəsində ümumilikdə 19 kiloqramdan artıq narkotik vasitənin İran İslam Respublikasından qaçaqmalçılıq yolu ilə, yəni gömrük sərhədindən, gömrük nəzarətindən kənar keçirilərək Azərbaycan Respublikasının ərazisinə qanunsuz daşınmasının qarşısı alınıb.



Şeyx Nobelə namizəd oldu

Azərbaycan Nobel İnformasiya Mərkəzi gələn il üçün Nobel mükafatına 4 nəfərin namizədliyini təqdim edib.

Ölkə.Az xəbər verir ki, bunu ans-ə açıqlamasında qurumun vitse-prezidenti Bəybala Ələsgərov bildirib. Biri fizika, biri kimya, biri fiziologiya , biri də Sülh mükafatına təqdim olunan namizədlərdən yalnız sonuncunun- Sülh mükafatına namizədin adı açıqlanır. Bu, Bütün Qafqazın Şeyxi Hacı Allahşükür Paşazadədir. Qalanların adlarının məxfi saxlanılması Nobel Mükafatı Komitəsinni əsas şərtlərindən biridir.



Döyülən icra başçısı ilə bağlı açıqlama — “Bir qrup dəllal...”

“Hazırda başçının səhhəti yaxşıdır. O, həkim nəzarəti altındadır. Yaxın günlərdə xəstəxanadan təxliyə olunacaq”.

Ölkə.Az bildirir ki, bu sözləri qafqazinfo-ya açıqlamasında Gəncə Şəhər İcra hakimiyyətinin başçısının müavini Naqif Həmzəyev Nizami rayonun icra başçısının döyülməsinə münasibət bildirərkən deyib.

N. Həmzəyev bildirib ki, hadisədən bir gün əvvəl Gəncə rayon icra hakimiyyətinin başçısı Elmar Vəliyevin iştirakı ilə həmin qəsəbədə Kəlbəcər sakinləri ilə görüş keçirilib

Xatırladırıq ki, Gəncədə bir qrup dəllal Nizami rayon icra başçısına və polis əməkdaşlarına, bir neçə iş adamına xəsarət yetirmişdilər.



Xədicə İsmayılovanın apellyasiya şikayəti təmin edilmədi

Bu gün Bakı Apellyasiya Məhkəməsində həbsdə olan jurnalist Xədicə İsmayılovanın barəsində məhkəmə qərarından verilən apellyasiya şikayətinə baxılıb.

Hakim Abid Abdinbəyovun sədrliyi ilə keçirilən prosesdə qərar elan edilib. Qərara görə, şikayət təmin edilməyib.



Kəlbəcərli girovlarla bağlı Avropa komissarına müraciət edildi

Avropa Azərbaycanlıları Konqresi (AAK) Avropa Parlamentinin İnsan Hüquqları komissarı Nils Muiznieksə müraciət ünvanlayıb. 10 dekabr - Beynəlxalq İnsan hüquqları günü ilə əlaqədar edilmiş müraciətdə Dağlıq Qarabağda girov götürülən və barələrində qondarma məhkəmə prosesi aparılan soydaşlarımız Şahbaz Quliyev və Dilqəm Əsgərov barədə məlumat verilir.

Müraciətdə Ermənistanın Azərbaycanın 20 faiz torpağını işğal etməsi, Azərbaycan torpaqlarının azad edilməsinə dair BMT-nin qəbul etdiyi qətnamələr xatırladılır. Daha sonra 2014-cü il iyulun 12-də doğulduqları torpaqlarda əzizlərinin məzarını ziyarət etməyə gedərkən Ermənistan Silahlı Qüvvələri tərəfindən Şahbaz Quliyev və Dilqəm Əsgərovun girov götürülməsi, Həsən Həsənovun isə öldürülməsi faktı vurğulanır. Müraciətdə həmçinin, qondarma rejimin bu insanlarla bağlı “məhkəmə” prosesinə başlamasının qanunsuz olduğu bildirilir.



Zəlimxan Məmmədlinin Gürcüstana girişi yasaqlandı

Gürcüstan azərbaycanlılarını birləşdirən "Borçalı" cəmiyyətinin sədri Zəlimxan Məmmədlinin Gürcüstana girişi yasaqlanıb.

Məlumata görə, bu qadağa barədə Z.Məmmədliyə bir neçə gün öncə məlum olub və o, əvvəlcə məsələni ictimailəşdirmək istəməyərək yasağın hansı səbəbdən qaynaqlandığını araşdırmaq istəyib.

Qeyd edək ki, Zəlimxan Məmmədli əslən Borçalı mahalındandır və qonşu ölkədə çoxsaylı qohum-əqrəbası var, Gürcüstan azərbaycanlılarının hüquqlarının qorunması istiqamətinə fəaliyyətləri olduğundan ora tez-tez gedib-gəlir, bu ölkədə mədəni-maarifçilik tədbirləri keçirir.


Azərbaycandakı erməni ailəsi geri qaytarıldı

Azərbaycanda saxlanılan erməni ailəsi Ermənistana təhvil verilib.

Ölkə.Az xəbər verir ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyasından Trend-ə bildiriblər ki, Azərbaycan Respublikası beynəlxalq humanitar hüquq normalarına və 1949-cu il 12 avqust tarixli Cenevrə Konvensiyalarına hörmətlə yanaşaraq, 2010-cu il yanvarın 10-da üçüncü dövlət ərazisində yaşamaq niyyəti ilə respublikamıza qanunsuz keçmiş və o zamandan ölkəmizdə saxlanılan Ermənistan Respublikasının vətəndaşları, 1958-ci il təvəllüdlü Gevorkyan Eqişe Petrosoviç və onun ailə üzvləri – həyat yoldaşı 1982-ci il təvəllüdlü Mardanyan Ruzanna Genoyevna, oğlu 2002-ci il təvəllüdlü Gevorkyan Alfred Yeqişeviç, qızı 2003-cü il təvəllüdlü Gevorkyan Qayane Yeqişevna, oğlu 2006-cı il təvəllüdlü Mardanyan Petros Yeqişeviçi aid olduqları ölkəyə könüllü qayıtmaq barədə müraciətləri əsasında 2014-cü il dekabrın 12-də Azərbaycan-Ermənistan sərhədinin Qazax rayonu, Bala Cəfərli kəndi istiqamətində qarşı tərəfə qaytarıb.


Nəqliyyat Nazirliyində Heydər Əliyevin xatirəsi anıldı

Bu gün Azərbaycanın Nəqliyyat Nazirliyinin və Nazirliyin müvafiq qurumlarının əməkdaşları Ulu Öndər Heydər Əliyevin Fəxri Xiyabandakı məzarını ziyarət ediblər.

Nazirlikdən Ölkə.Az-a bildiriblər ki, bu gün həmçinin Nəqliyyat Nazirliyində Ümummilli Lider Heydər Əliyevin xatirəsi anılıb, Ulu Öndərin Nəqliyyat Nazirliyinin həyətindəki büstünün önünə gül dəstələri qoyulub.

Artur Rasizadədən nüvə ilə bağlı vacib — QƏRAR

Baş nazir Artur Rasizadə “Milli Nüvə Tədqiqatları Mərkəzi” Qapalı Səhmdar Cəmiyyətinin Nizamnaməsinin və strukturunun təsdiq edilməsi haqqında qərar verib.

Qərarda qeyd olunur ki, QSC Rabitə və Yüksək Texnologiyalar Nazirliyinin tabeliyində fəaliyyət göstərir.

Qərara əsasən, Cəmiyyətin nizamnamə kapitalı 3 000 000 (üç milyon) manatdır və onun səhmlərinin nominal dəyərindən təşkil olunacaq. Nizamnamə kapitalı nominal dəyəri 10 manat olan 300 000 (üç yüz min) ədəd adi səhmlərdən ibarətdir.

Ölkə.Az