Bakı metrosunda sürpriz

31 dekabr - Dünya Azərbaycanlılarının Həmrəylik Günü və Yeni il bayramları ilə əlaqədar Bakı metropoliteni sərnişinlərə sürpriz edəcək.

Ölkə.Az bildirir ki, qurumun mətbuat xidmətinin rəhbəri Nəsimi Paşayevin anspress-ə verdiyi məlumata görə, Yeni il gecəsi Bakı Metropolitenində də gücləndirilmiş iş rejimində çalışacaqlar.

Onun sözlərinə görə, hər il olduğu kimi bu il də dekabrın 31-də qatarlar adi günlərdən fərqli olaraq 1 saat çox işləyəcək.

“Bakı metrosunda artıq belə praktika mövcuddur. Dekabrın 31-də metroda iş rejimi 1 saat gec bitir. Həmin gecə isə bayram münasibətilə giriş gecə saat 1-ə kimi uzadılacaq. Əgər dövlət əhəmiyyətli şənliklər və tədbirlər olarsa, mümkündür ki, metro daha çox işləsin”, - deyə Nəsimi Paşayev bildirib.

Qurum rəsmisi onu da bildirib ki, bayram ərəfəsində metroda təhlükəsizlik məsələsinə nəzarət daha da gücləndiriləcək.

Ölkə.Az