Aldadılmış şəhid ailəsinin işini polis araşdırır

Xəbər vermişdik ki, Azərbaycan Beynəlxalq Bankın Ucar filialının müdiri Tariyel Mustafayev Ucar rayonu Bağman kəndi sakini şəhid ailəsi Kərimova Gülabatın Müseyib qızna məxsuz pensiya kartının kodlarını dəyişmək üçün alıb və kartın içərisindəki 1400 manat pulu çıxardaraq mənimsəyib.

Bununla bağlı Ölkə.az-da iki yazı dərc edilib. Hər iki yazı yazılarkən Azərbaycan Beynəlxalq Bankın mətbuat xidməti ilə əlaqə yaratmağa çalışdıq, ancaq telefounumuzu götürən olmadı. Şikayətçi Kərimova Gülabatın bu gün redaksiyamıza zəng edərək bildirdi ki, Azərbaycan Beynəlxalq Bankının Ucar filialının müdiri Tariyel Mustafayevin mənim pensiya kartımdan 1400 manat pulumu dələduzluq yolu ilə çıxarması faktı artıq təsdiqini tapmaqdadır.

Müxbirimizlə söhbətində xanım Kəromova deyib ki, bu barədə bir neçə gün əvvəl mətbuat vasitəsi ilə etdiyi müraciətinə cavab olaraq Beynəlxalq Bankın mətbuat xidmətindən verilən açıqlamada qeyd edilib ki, vətəndaş buna görə hüquq-mühafizə orqanına müraciət etsin və ona məxsus pensiyanı bankomatdan çıxaran şəxsin foto-robotla çəkilmiş şəkilləri həmin orqana təqdim ediləcək", deyə şəhid ailəsi bildirdi.

Kərimova Güləbatın: "Mən Ucar Rayon Polis şöbəsinə şikayət ərizəsi ilə müraciət etdim. Şikayətimi Ucar RPŞ-nın müstəntiqi Rövşən Mirəliyev araşdırır. Ancaq ABB-nin Ucar filialının müdiri Tariyel Mustafayev cinayətin izini itirmək məqsədi ilə mənim köhnə bankomat kartımı müstəntiqə təqdim etmir və yalandan kartı mənə verdiyini deyir. Bu adamın dələduzluqla mənə məxsus 1400 manat pensiya pulumu mənimsəməsini bilirdim və buna görə də mətbuat vasitəsi ilə müraciət edib qanunu tədbirlər görülməsini xahiş etmişdim. Tariyel Mustafaye öz dələduz əməlləri ilə məni də , Beynəlxalq Bankın rəhbərliyini də aldadıb. O,özünü alicənab adam kimi aparıb şəhid ailəsinə məxsus pulu mənimsəyib, indi də utanmadan, çəkinmədən yalan məlumatlar verməklə hamını aldadır. Bu boyda haqsızlıq olmaz, artıq 2 aydır ki, bizi süründürməçiliyə məruz qoyub. Hələ bu dələduz Ucar bələdiyyəsinə seçilmək üçün də namizədliyini verib".

Polisdən şəhid ailəsinə bildiriblər ki, Azərbaycan Beynəlxalq Bankın Ucar filialınında olan bankomatdan pulu çıxaran şəxsin foto-robou hələ də hüquq mühafizə orqanlarına təqdim edilməyib.

Mövzuya yenə qayıdacağıq...

Səxavət Məmməd
Ölkə.az