Ekspert: "Azərbaycan bunu cavabsız qoymamalıdır"

Rusiyanın “RİA Novosti” agentliyi Azərbaycanın hərbi xəritəsinin tərtib edib. Həmin xəritədə Azərbaycanın NATO standartları əsasında yenidən qurulmuş hərbi aerodromları da göstərilib.

Rusiyanın rəsmi dövlət agentliyinin Azərbaycanın hərbi sirlərini belə açıq şəkildə ortaya çıxarmasına hərbi ekspert Üzeyir Cəfərov Ölkə.az-a verdiyi açıqlamasında münasibət bildirib.

Üzeyir Cəfərov: "Bu xəbərdə və yayımlanan xəritələrdə müsbət niyyət yoxdur. Ruslar niyə məhz Azərbaycanın aviabazalarını gündəmə gətirirlər? Nə baş verib ki, onlar bu addımı atıblar? Xəritədə bir neçə aviabaza səhv göstərilib. SSRİ zamanı həmin aviabazalar var idi ancaq hal hazırda həmin aviabazalar yoxdur. Bu məluatı yayanlar Azərbaycana qarşı təxribat işlədirlər, Azərbaycana qarşı qərəzləri var.

Azərbaycan Respubilkası Müdafiə nazirliyi bu məsləyə münasibət bildirməlidir ki, niyə Azərbaycanın aviabazaları gündəmə gətirilir? Azərbaycan bunu cavabsız qoymamalıdır".

- Üzeyir bəy, bunu hansı niyyətlə yaya bilərlər?

- Yeni il qabağıdır, qəribə görünməsin, ruslar da içkiyə meyillidir. Yəqin erməni konyakı onların kölnünə döşüb. Ona görə də, bu xəbəri ermənilərdən bir ənam qopartmaq üçün yayımlayıblar. Yenə də deyirəm ki, məlumt 100% qəqiq deyil, amma xoş niyyətlə bağlı olmadığı üçün Azərbaycan bunu cavabsız qoymamalıdır.

Səxavət Məmməd
Ölkə.az