Yaxın iki gündə hava necə olacaq?

Ölkəmizdə yaxın iki günə gözlənilən hava proqnozu açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentindən Ölkə.Az-a verilən məlumata görə, dekabrın 30-da Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Səhər və axşam bəzi yerlərdə zəif duman olacaq. Cənub-qərb küləyi əsəcək, axşam şimal küləyi ilə əvəz olunacaq. Temperaturun gecə 4-6° isti, gündüz 10-15° isti olacağı gözlənilir. Dekabrın 31-də isə havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Gecə və səhər bəzi yerlərdə zəif duman olacaq. Şimal küləyi əsəcək, gündüz arabir 18-20 m/s-dək güclənəcək. Temperatur gecə 4-6° isti, gündüz 7-11° isti olacaq.

Azərbaycanın əksər rayonlarında hava əsasən yağmursuz keçəcək. Qərb küləyi əsəcək, arabir güclənəcək. Gecə və səhər bəzi yerlərdə duman, çiskin olacaq.

Azərbaycanın şimal və cənub rayonlarında da eyni hava şəraiti gözlənilir, lakin dekabrın 31-dən başlayaraq havanın yağıntılı olacağı, bəzi yerlərdə sulu qar, qar yağacağı gözlənilir.

Ölkə.Az