Ekspert: "ATƏT-in Minsk qrupu üzvlərinin bəyanatlarını eşitməyə adətkar olmuşuq"

ATƏT-in Minsk qrupunun amerikalı həmsədri Ceym Uorlik 2015-сi ilin Dağlıq Qarabağ münaqişəsi üçün sülh və davamlı nizamlanma ili olması lazım olduğunu deyib.

Hərbi ekspert Üzeyir Cəfərov Ölkə.az-a açıqlamasında həmsədrin bu dəfəki sözlərini də görüşünüş naminə, aktiv iş gördüklərini göstərmək üçün etdiyini deyib.

"Biz artıq adətkar olmuşuq ki, hər ilin əvvəlində ATƏT-in bivec Minsk qrupu üzvlərindən kimsə, optimist ruhlu bəyanatlar səsləndirir və bizi nəyəsə inandırmağa cəhd edirlər. Əslində, onların özləri də yalan danışdıqlarını gözəl bilirlər və sadəcə imiclərini qoruyub saxlamaq və guya hansısa aktiv iş gördüklərini göstərmək üçün vaxtaşırı belə bəyanatlar səsləndirirlər.

İndi də, amerikalı həmsədr, daha çox Qarabağ məsələsini virtual şəkildə "həll edən" Ceyms Uorlik qabağa düşüb belə bir fikirsəsləndirib. Hesab edirəm ki, o çox böyük siyasi səhvə yol verib. Onun 2015-сi il Dağlıq Qarabağ münaqişəsi üçün sülh və davamlı nizamlanma ili olmalıdır cümləsini mən şəxsən qəbul edə bilmirəm və qəti etirazımı bildirirəm. Elə onun "davamlı nizamlama" ifadəsi onu deməyə əsas verir ki, bunlar məslənin həlli üçün deyil, hələ uzun müdəd mənasız və məntiqsiz danışıqlar prosesini davam etdirmək istəyirlər.

Sual olunur: xeyir ola, cənablar? Siz niyə Ermənistana qəti şəkildə beynəlxalq hüquq və normalara əməl etməsini demək istəmirsiniz?

Düşünürəm ki, yəqin ki, Azərbaycan XİN bu məsələyə biganə qalmayacaqdır. Şəxsi düşüncəm isə ondan ibarətdir ki, ATƏT-in Minsk qrupu münaqişənin həll olunmasında deyil, əksinə uzadılmasında daha çox maraqlı görünür. Deyəsən, həqiqətən bunlar özlərinə yüksək məvacibli iş yeri tapıblar və onu itirmək istəmirlər.

Əziyyət çəkən isə, Azərbaycan və onun 20 ildən çoxdur ümidini beynəlxalq qurumlara bəsləyən qaçqın və məcburi köçkünləridir".

Qeyd edək ki, bu amerikalı həmsədrin Dağlıq Qarabağ münaqişəsi üçün səsləndirdiyi təkrar fikirlərdən növbətisi idi.

Fatimə İbrahimova
Ölkə.az