Firudin Cəlilov: \"Təhsildə köklü islahatlar aparmaq lazımdır\"

"Diplomların vahid elektron bazasının hazırlanması bu sahədə xoşagəlməz halların aradan qalxmasına ciddi köməklik edəcək"

Xəbər verdiyimiz kimi ölkədə ali məktəb diplomlarının verilmə prosesinin avtomatlaşdırılması, bununla da diplomların daha sürətli şəkildə çatdırılması və məzunlara verilmə prosesi üzərində tamamlanma işləri aparılır.

Diplomların vahid elektron bazasının hazırlanması barədə Ölkə.az-a danışan keçmiş təhsil naziri Firudin Cəlilov bildirdi ki, əslində, bu qərarın verilməsinin təhsil sisteminə elə də faydası yoxdur.

"İndiki dövrdə hər şey elektronlaşdırılır. O cümlədən diplomların vahid elektron bazası hazırlanması bu sahədə xoşagəlməz halların aradan qalxmasına ciddi köməklik edəcək.
Əslində, bu qərarın elə də faydası yoxdur, çünki təhsili köklü şəkildə düzəltmək lazımdır".

Qeyd edək ki, hazırda diplomların vahid elektron bazası hazırlanır. Baza hazır olduqdan sonra bütün diplomların verilməsi elektron formada baş tutacaq.

Fatimə İbrahimova
Ölkə.az