İcra Hakimiyyətinin yerləşdiyi küçə kanalizasiya suları altında

Lənkəran şəhər icra Hakimiyyətinin yerləşdiyi küçə kanalizasiya suları altında qalıb.

Ölkə.Az xəbər verir ki, bu barədə Aktual.az-a Lənkəran rayonu Şirəli Axundov 22 ünvanında yaşayan sakinlər məlumat veriblər.

Onların sözlərinə görə, bir neçə gündür, kanalizasiya xətləri tutulduğundan çirkab sular əraziyə axır: "Artıq bir neçə gündür çirkab sualarının içindəyik. Yaşadığımız bu küçə ilə Lənkəran rayon İcra Hakimiyyətinin arası 20 metrdir. Problemlə maraqlanan yoxdur. Küçədə yerləşən həyət evləri üfunət və antisanitariya ilə üzləşib. Həyətlər çirkab sularla dolub, amma aidiyyatı qurumlar baş verənlərə əhəmiyyət vermirlər", - deyə sakinlər qeyd edib.

Qeyd edək ki, sakinlər dünən şikayət etdiyindən həmin gün Lənkəran İcra Hakimiyyəti ilə əlaqə saxladıq. Bildirildi ki, problem qısa vaxtda həll olunacaq. Bu gün şikayətçilərlə yenidən əlaqə saxladıq. Onlar saytımızın əməkdaşına bildirdilər ki, problemlə maraqlanan olmayıb.

Mövzunu diqqətdə saxlayacağıq.

Ölkə.Az