Həftənin icmalı
Zakir Həsənov əsgər analarına müraciət etdi
06.03.2015 21:32
MN məlumat yaydı.
Azərbaycan müdafiə naziri general-polkovnik Zakir Həsənov 8 Mart Beynəlxalq Qadınlar Günü münasibətilə qadınları təbrik edib.
Azərbaycanda 10 mindən çox qanuni qadın sürücü var
06.03.2015 20:13
Dövlət Statistika Komitəsi avtomobil idarə etmək məqsədilə sürücülük vəsiqəsi alan qadınların sayını açıqlayıb.
Bu barədə Ölkə.Az-a Komitədən məlumat verilib.
Komitənin məlumatına görə, son 9 ildə avtomobil idarə etmək məqsədilə sürücülük vəsiqəsi alan qadınların sayı artaraq 2014-cü ildə 10 278 nəfərə çatıb. Xatırladaq ki, 2005-ci ildə onların sayı 2 285 nəfər olub.
Azərbaycanda idman dərsləri ləğv olundu
06.03.2015 13:39
Təhsil naziri: “Məhdud müddət ərzində ali təhsil səviyyəsində bədən tərbiyəsinin bağlantısını görmürük”
“Bu gün tələbələrlə iş, xüsusilə tərbiyə işi, onların asudə vaxtlarının təşkili və bir vətəndaş kimi formalaşmasında ali təhsil sisteminin rolu əvəzsizdir”.
Bunu təhsil naziri Mikayıl Cabbarov Azərbaycan Memarlıq və İnşaat Universitetinin Memarlıq fakültəsinin Təhsil Nazirliyi tərəfindən əsaslı təmir olunmuş tədris binasının açılış mərasimində çıxış edərkən deyib.
MN:Ermənistan silahlı qüvvələrinin növbəti təxribat qrupu məhv edilib
06.03.2015 10:37
Martın 6-a keçən gecə Ermənistan silahlı qüvvələrinin kəşfiyyat-təxribat qrupu Ağdərə-Tərtər istiqamətində qoşunların təmas xəttində mövqelərimizə basqın etməyə cəhd göstərib.
Müdafiə Nazirliyindən Ölkə.az bildiriblər ki, Silahlı Qüvvələrimizin bölmələrinin sayıqlığı, görülən qabaqlayıcı tədbirlər və atəş gücü vasitəsilə düşmənə endirilən ağır zərbədən sonra itki verən işğalçılar silah və sursatı ataraq geri qaçmağa məcbur ediliblər.
Döyüşdə bir hərbi qulluqçumuz çavuş Zahidov Dəyanət Mehman oğlu sağ əlindən yüngül yaralanıb.
Məhəmməd Əmin Rəsulzadənin vəfatından — 60 il ötdü
06.03.2015 10:36
“Azərbaycan, Azərbaycan, Azərbaycan”.
Bu gün Məhəmməd Əmin Rəsulzadənin vəfatı günüdür.
Şərqdə ilk demokratik respublikanın qurucusu, Azərbaycan Xalq Cümhuriyyətinin banisi Məhəmməd Əmin Rəsulzadə 1955-ci il martın 6-da Ankara Universitetinin Tibb fakültəsinin klinikasında vəfat edib.
M.Ə.Rəsulzadə 1884-cü il yanvarın 31-də Bakının Novxanı kəndində anadan olub. İkinci “Rus-müsəlman” məktəbini bitirdikdən sonra təhsilini Bakı texniki məktəbində rus dilində davam etdirib. 1918-20-ci illərdə Xalq Cümhuriyyətinin qurulmasında əvəzsiz xidmət göstərib. Azərbaycan Xalq Cümhuriyyəti süqut edəndən sonra uzun müddət xaricdə yaşamağa məcbur olub.
Məhəmməd Əmi Rəsulzadənin qəbri Türkiyənin paytaxtı Ankara şəhərindədir. O, 71 yaşında dünyadan köçərkən son olaraq üç dəfə “Azərbaycan, Azərbaycan, Azərbaycan” sözlərini deyib.
Kəlbəcər girovları ilə bağlı qərar qəbul edildi
05.03.2015 23:54
Qaydalara uyğun olaraq layihə AŞPA-nın gündəliyinə daxil edilib.
AŞPA Sədarət Komitəsi Ermənistan silahlı qüvvələri tərəfindən girov götürülmüş azərbaycanlılar Dilqəm Əsgərov və Şahbaz Quliyevlə bağlı qərar qəbul edib.
Ölkə.Az AzərTac-a istinadən xəbər verir ki, bu barədə Azərbaycanın AŞPA-dakı nümayəndə heyətinin üzvü Elxan Süleymanov məlumat verib.
Nazirlik: Manatın devalvasiyası minimum istehlak səbətinə təsir etməyib
05.03.2015 14:08
Manatın devalvasiyasından keçən 10 gün ərzində minimum istehlak səbətinə daxil olan ərzaq və qeyri-ərzaq məhsulları üzrə qiymət artımı müşahidə edilməyib.
Bunu əmək və əhalinin sosial müdafiəsi nazirinin müavini İdris İsayev ölkədə milli valyutanın məzənnəsinin dəyişdirilməsinin sosial müdafiə və sosial təminat sisteminə, habelə əmək bazarına təsirlərinin müəyyən olunması üçün nazirlik tərəfindən aparılan monitorinq və qiymətləndirmə işlərinin nəticələrinə dair mətbuat konfransında deyib.
Türkiyə-Azərbaycan təlimlərində döyüş təyyarəsi qəzaya uğradı: 2 ŞƏHİD
05.03.2015 13:03
Türkiyə və Azərbaycan Hava Qüvvələrinin birgə keçirdikləri "TurAz Şahini 2015" təlimləri zamanı qəza baş verib.
Ölkə.Az qafqazinfo-ya istinadən xəbər verir ki, təlim zamanı döyüş təyyarəsi qəzaya uğrayıb və nəticədə 2 pilot dünyasını dəyişib.
Daha əvvəl Türkiyə mediası bir pilotun təyyarədən paraşütlə tullandığını, digərindən isə xəbər olmadığını yazsa da, qəzanın yaşadığı Konyanın valisi 2 pilotun şəhid olduğunu təsdiqləyib.
Qeyd edək ki, döyüş təyyarəsu Türkiyə Hava Qüvvələrinə aiddir.
Əli Həsənov: Avropa Oyunları ərəfəsində Azərbaycanın imicini ləkələməyə çalışırlar
04.03.2015 17:48
Avropa Olimpiya Komitəsi Azərbaycanda l Avropa Oyunlarının keçirilməsi ilə bağlı qərar qəbul etdikdən sonra ötən dövr ərzində Təşkilat Komitəsi bu mühüm beynəlxalq idman tədbirinin yüksək səviyyədə təşkili üçün mühüm işlər görüb.
Yeni idman qurğularının tikintisi, artıq mövcud olan qurğuların yenidən bərpa olunması, sosial və nəqliyyat infrastrukturunun dünyada mövcud olan qabaqcıl standartlara uyğun təkmilləşdirilməsi, qonaqların yerləşdirilməsi, təhlükəsizlik və digər bu kimi məsələlər uğurla həll olunur və artıq başa çatmaq üzrədir.
Avropa Olimpiya Təşkilatı öz açıqlamalarında görülən işləri yüksək qiymətləndirib. Bütün bunlar əminliklə onu deməyə əsas verir ki, Azərbaycanda keçiriləcək l Avropa Oyunları öz möhtəşəmliyi ilə yaddaşlarda qalacaq.
Azərbaycanda qəzetlərin qiyməti qalxacaq
04.03.2015 16:00
Azərbaycanda fəaliyyət göstərən nəşriyyat evləri bütün növ poliqrafiya materiallarını xaricdən alır. Milli valyuta olan manat 33% ucuzlaşdığına görə, nəşriyyatların xidmət qiymətləri də qalxır.
Ölkə.Az-a bu barədə “Azərnəşr” dövlət nəşriyyatından bildiriblər.
Xatırladaq ki, “Azərbaycan” Nəşriyyatı 2015-ci il martın 1-dən çap xərclərinin 20 faiz artırılacağı barədə media qurumlarına xəbərdarlıq edib. Nəşriyyat bunun səbəbini ölkəyə gətirilən bütün növ poliqrafiya materiallarının qiymətlərində kəskin artımın olması ilə izah edib.
Cinayət Məcəlləsinə dövlət sirri ilə bağlı mühüm maddə əlavə olunur
04.03.2015 14:53
Azərbaycan Cinayət Məcəlləsinə mühüm maddə əlavə olunması təklif edilir.
Milli Məclisdən verilən məlumata görə, bununla bağlı Cinayət Məcəlləsinə təklif olunan 284-1 maddəsinə görə, “Dövlət sirri təşkil edən məlumatların, məzmununda dövlət sirri olan sənədlərin, habelə barəsindəki məlumatlar dövlət sirri olan əşyaların zor tətbiq etmək hədəsi ilə və ya zor tətbiq etməklə, hədə-qorxu və ya digər məcburetmə vasitələri ilə, talama, aldatma yolu ilə, yaxud məxfi məlumatların gizli əldə edilməsi üçün nəzərdə tutulmuş xüsusi və ya digər texniki vasitələrdən etməklə qanunsuz əldə edilməsi, dövlətə xəyanət və ya casusluq əlamətləri olmadıqda 2 ildən 5 ilə qədər azadlıqdan məhrum etmə ilə cəzalandırılır”.
Azərbaycan Ordusunda papaqsız hərbi salamlaşmağa icazə verildi
04.03.2015 11:41
Azərbaycan Silahlı Qüvvələrində baş geyimi olmadan hərbi salamlaşmağa icazə verilib.
Ölkə.Az xəbər verir ki, bu barədə azeridefence.com saytına hərbi mənbələrdən məlumat verilib.
Məlumata görə, sıra duruşunda və papaq tutuşu və yerişdə salam verərkən sıra addımı ilə yerimək ləğv olunub. “Azad” vəziyyəti buna qədər mərasimlərdə tətbiq olunan “azad” vəziyyəti ilə əvəz olunub. Yəni həm “azad”, həm də “mərasim azad” vəziyyətində əllər arxada olur.
İki qardaş ölkə səmada görüşdü
03.03.2015 16:57
Azərbaycanla Türkiyə arasında illik hərbi əməkdaşlıq planına əsasən "TurAz Şahini 2015" təlimləri başlayıb.
Azərbaycan Hərbi Hava Qüvvələrinin 3 ədəd MiQ-29 qırıcı, 3 ədəd Su-25 hücum və İl-76 hərbi-nəqliyyat təyyarəsi müştərək təlimlərdə iştirak etmək məqsədilə Türkiyə Respublikasının Konya şəhərində yerləşən aviabazaya gəlib.
Eyni zamanda "İŞIK-2015" beynəlxalq axtarış-xilasetmə təlimlərində iştirak etmək məqsədilə Azərbaycan Hərbi Hava Qüvvələrinin 4 ədəd Mi-17 döyüş-nəqliyyat helikopterləri də təlim keçiriləcək Konyadakı aviabazaya yollanıb.
Dollar kreditləri haqda Ali Məhkəmədən şərh
03.03.2015 16:16
Mərkəzi Bankın fevralın 21-də manatın məzənnəsinin devalvasiyası ilə bağlı verdiyi qərardan sonra kredit götürən hər kəsi indi bir sual maraqlandırır – Kredit borcu hansı kursla qaytarılmalıdır?
Vətəndaşların banklardan dollarla götürdüyü kreditin ödənilməsi ilə bağlı cəmiyyətdə fikir ayrılığı yaranıb. Bir qisim kredit borcunu kreditin götürüldüyü vaxtkı məzənnə ilə, ikinci qisim isə aylıq ödəniş günü qüvvədə olan məzənnə ilə ödənilməsini iddia edir.
Amma bu gün banklara müraciət edən vətəndaşlardan kredit borclarını hazırkı məzənnə ilə ödənilməsi tələb olunur.
Ölkə.Az xəbər verir ki, Ali Məhkəmənin mülki işlər üzrə məhkəmə kollegiyasının hakimi Əsəd Mirzəliyev Publika.az-a bildirib ki, Mülki Məcəllənin 439.7-ci maddəsi bu problemi birbaşa həll edir. Belə ki, həmin maddədə qeyd olunur ki, əgər ödəniş müddəti çatanadək pul vahidinin dəyəri (məzənnə) artmış və ya azalmışsa və ya valyuta dəyişmişsə, kredit müqaviləsində ayrı qayda nəzərdə tutulmayıbsa, borclu ödənişi öhdəliyin əmələ gəldiyi vaxta uyğun məzənnə üzrə yerinə yetirməlidir. Valyuta dəyişdikdə mübadilə münasibətlərinin əsasını valyutanın dəyişdiyi gün həmin pul vahidləri arasında mövcud olmuş məzənnə təşkil etməlidir.
Bakıda müvəqqəti dayanacaq meydançaları inşa olunur
03.03.2015 13:29
"Koroğlu" metrostansiyası ərazisində idmançıların Atletlər kəndindən idman arenalarına daşınması məqsədilə nəzərdə tutulan avtobusların saxlanılması üçün müvəqqəti dayanacaq meydançaları inşa olunur.
Bu barədə Ölkə.Az-a Nəqliyyat Nazirliyinin "Azəryolservis" ASC-nin mətbuat katibliyindən məlumat verilib.
Məlumata görə, dayanacaq meydançalarını ayırmaq məqsədilə həmin əraziyə səki daşları düzüləcək: "Bununla da hər arenaya gedən avtobusların duracaq yerləri müəyyənləşəcək. Sözügedən meydança drenaj sistemi ilə təmin olunub. Bundan əlavə həmin ərazidə işıqlandırma və digər abadlıq işləri nəzərdə tutulub".
Birinci Avropa Oyunları 100-dən çox ölkədə birbaşa yayımlanacaq
02.03.2015 23:02
“Birinci Avropa Oyunları həm humanitar, həm də infrastruktur baxımından Azərbaycanda böyük irs qoyacaq
On yeddi gün ərzində Avropanın bütün ölkələrindən olan 6 mindən çox atlet idmanın 20 növü üzrə 253 medal dəsti uğrunda mübarizə aparacaq. İdman növlərinin 16-sı Olimpiya növüdür. Yarışları 600-dən çox jurnalist işıqlandıracaq. Oyunlar 18 idman qurğusunda, o cümlədən xüsusilə bu yarışlar üçün tikilmiş 5 yeni obyektdə keçiriləcək”.
Bunu Avropa Oyunları Əməliyyat Komitəsinin kommunikasiya şöbəsinin direktoru Uilyam Lui-Mari deyib.
Qulu Məhərrəmli: "Saytların bağlanma prosesi hələ davam edəcək"
02.03.2015 17:19
"Bunun qarşısını almaq mümkün olmayacaq"
"Bağlanan saytlarda xeyli istedadlı jurnalistlər işləyir və bu hadisə onların işsiz qalmasına səbəb olacaq. Bu isə mənim üçün çox kədərli xəbərdir. Düşünürəm ki, saytların bağlanma prosesi hələ davam edəcək".
Bu sözləri Ölkə.az-a danışan media eksperti Qulu Məhərrəmli deyib. Onun fikrincə, sözügedən proses davamlı olacaq.
Bakıda yeni tikilən ticarət mərkəzi çökdü
02.03.2015 16:57
Bu gün Nizami rayonu ərazisində tikinti işləri aparılan binada uçqun baş verib.
Ölkə.Az xəbər verir ki, hadisə şahidlərinin virtualaz.org saytına verdiyi məlumata görə, iş görülərkən tikinti gedən binada fəhlələr də olub. Onların uçqun altında qaldığı ehtimal olunur. Lakin bu, sadəcə gümandır və fakt hələ təsdiqlənməyib.
Hadisə 8-ci kilometr bazarının (“Vosmoy bazarı”) arxasında gedən tikintidə baş verib. 4 mərtəbəli ticarət mərkəzinin tikintisi zamanı qəza baş verib. Binanın ikinci mərtəbəsinin tikintisi gedərkən qəza beton tökülən zaman baş verib. Betonun ağırlığına tab gətirməyən dirəklər qırılıb və beton kütləsi birinci mərtəbəyə tökülüb.
Bu il Azərbaycanda 92 yeni məktəb binası tikiləcək
02.03.2015 15:28
Ötən il Azərbaycanda tikilən, təmir edilən və 2015-ci ildə Azərbaycanda tikiləcək və təmir ediləcək məktəblərin sayı açıqlanıb.
Təhsil naziri Mikayıl Cabbarovun 2014-cü ildə təhsil sahəsində görülən işlərlə “Azərbaycan” qəzetində işıq üzü görən hesabat xarakterli məqaləsində qeyd edib ki, 2014-cü ildə Təhsil Nazirliyinin sifarişi ilə 3 dövlət təhsil müəssisəsi tikilib, 2 təhsil müəssisəsində əsaslı təmir işləri aparılıb, 94 tədris ocağı isə cari təmir edilib.
2015-ci ildə isə 92 təhsil müəssisəsi üçün yeni binanın tikintisi, 64 təhsil müəssisəsinin binasının əsaslı təmir olunması və 50 təhsil müəssisəsində isə cari təmir işlərinin aparılması nəzərdə tutulub.
Qarabağda iki erməni işğalçısı məhv edildi
02.03.2015 13:56
Agekyan və Baroyanın məhv edildiyi görüntülər yayıldı.
Fevralın 28-də Azərbaycanın Ermənistan tərəfindən işğal olunmuş ərazilərində 2 erməni hərbçi ölüb.
Ölkə.Az xəbər verir ki, bu barədə Ermənistan KİV-i məlumat yaymışdı.
Məlumata görə, bunlar 1979-cu il təvəllüdlü Artak Sedrakoviç Agekyan və 1995-ci il təvəllüdlü Ayk Qriqoryeviç Baroyandır.
Azərbaycanlıların ordu üçün topladığı vəsait açıqlandı
02.03.2015 13:28
MN məlumat yaydı.
Azərbaycan Respublikasının Silahlı Qüvvələrinə Yardım Fonduna yanvar ayının 1-dək yığılan vəsaitin həcmi açıqlanıb.
Ölkə.Az-ın Müdafiə Nazirliyinə istinadla verdiyi məlumata görə, mart ayının 1-dək 61 milyon 653 min 116 manat, 211 min 791 ABŞ dolları və 593 avro vəsait yığılıb.
Xatırladaq ki, 1 fevral 2015-ci il tarixinə kimi Yardım Fonduna 60 mln. 904 min 284 manat, 211 min 791 dollar və 593 avro vəsait köçürülüb.
Azərbaycanda altı sayt bağlandı
02.03.2015 11:33
Azərbaycanda bir neçə saytın fəaliyyəti dayandırılıb.
Martın 1-dən etibarən “Teleqraf Holding” və “ APA Holding”in tərkibinə daxil olan 6 sayt ləğv edilib.
Məlumat üçün bildərək ki, artıq bir neçə gündür həmin şirkətlərə daxil olan “Kult.az”, “Tabloid.az”, “İsvestiya.az” və “Kulis.az”, “Ailem.az” , “Avtolent.az” saytlarına giriş dayandırılıb. Sözügedən media holdinglərin daxilində fəaliyyət göstərən bu sahəvi saytların bir çoxu yeni fəaliyyətə başlamışdı.
3 gün qeyri-iş günü elan edildi
02.03.2015 09:59
8 Mart - Beynəlxalq Qadınlar günü ilə bağlı Azərbaycanda istirahət və iş gününün yeri dəyişdirilib.
8 Mart - Beynəlxalq Qadınlar günü Azərbaycanda qeyri-iş günü elan olunub.
Həmin gün bu il bazar gününə təsadüf etdiyindən Əmək Məcəlləsinə əsasən iş və istirahət günlərinin yeri dəyişdiriləcək, 9 mart qeyri-iş günü elan edilib.
Beləliklə, 7 mart tarixi də şənbə gününə təsadüf etdiyi üçün, 3 gün ardıcıl qeyri-iş günü olacaq.
Ölkə.az
