Bu şirkət öz məhsulları ilə hamını təəccübləndirəcək

"Onlar Azərbaycanda bir ilkə imza atıblar"

"Bakı Ekspo Mərkəzi"ndə "Beynəlxalq çiçəklər, peyzaj və şəhərsalma" sərgisi açılıb. Sərgidə dünyanın 10 ölkəsindən 150-dək şirkət iştirak edib. Sərgidə öz imkanlarını geniş şəkildə təbliğ edən şirkətlərdən biri də "Green Land” şirkətidir. Yüksək keyfiyyətdə xidmət və alıcı məmnunluğunu özünə deviz seçən şirkət 2011-ci ilin sentyabr ayından etibarən fəaliyyət göstərir. Şirkət ümumi sahəsi 10 ha olan müasir tipli istixanalarda müxtəlif növ və çeşiddə mövsümi güllər, kol və ağaclar, o cümlədən otaq və çöl üçün nəzərdə tutulan dekorativ bitkilər yetişdirir.

Şirkət barədə məlumat verən İlkin Qəhrəmanlı xüsusilə qeyd etdi ki, "Green Land" MMC Azərbaycanda dekorativ bitkilər hazırlamaqla məşğul olan yeganə şirkətdir.

Həmçinin yüksək keyfiyyət və standartlara cavab verən məhsulları ilə müxtəlif məqsədli landşaft dizaynında, yaşıllaşdırma işlərində və interyerlər ilə müştərilərini məmnun etməyə çalışır. Ağac, gül və çiçəklərinin yetişdirilməsini və satışını həyata keçirən şirkət, həm də gözəl təbiət mənzərələrinin layihələndirilməsini və inşasını da reallaşdırır.

Şirkətin təqdim etdiyi bitkilər ölkəmizdə yetişdirilir və yerli relyefə tam uyğunlaşdırılır. Bundan əlavə şirkət şitilxanalarda yüksək keyfiyyətli toxum və xammaldan istifadə etməklə tərəvəz şitilləri də yetişdirir. Yüksək ixtisaslı mütəxəsisslərin hesabına ay ərzində şirkətdə 8 yüz minə yaxın şitil yetişdirilir. İldə 25-30 adda 4 milyondan artıq gül yetişdirilməsi üçün şirkətdə ən müasir tələblərə cavab verən istehsal texnologiyası qurulub. Həmçinin şirkət yaşıllaşdırma üzrə landaşaft dizaynı hazırlayır və həyata keçirir.

Onu da qeyd edək ki, şirkət qazonun əkilməsi, kəsilməsi, məntəqəyə çatdırılması və sahədə dizayn işlərinin aparılması, ağac və güllərin əkilməsi və s. xidmətləri ilə ölkədə fəaliyyət göstərən yeganə şirkətdir.