Bölmə rəisi: "Ülkər İsayevanın keçmiş əri ilə heç bir qohumluq əlaqəmiz yoxdur"

Binəqədi rayon 6-cı polis bölməsinin rəisi Rəşad Əhmədzadə "Ülkər İsayeva qalmaqalı" ilə heç bir əlaqəsinin olmadığını bildirib.

Xatırladırıq ki, rektor qızının döyülmə səhnəsini özündə əks etdirən vuideonun mətbuata sızdırılmasında Binəqədi rayon 6-cı polis bölməsinin rəisi Rəşad Əhmədzadənin adı hallanmışdı. Məlumatlarda onun Ülkər İsayevanın keçmiş həyat yoldaşı Aydın Əhmədzadənin əmisi oğlu olduğu bildirilmişdi.

Məsələni dəqiqləşdirmək üçün bu gün əməkdaşımız Bakı şəhəri Binəqədi rayon Polis idarəsinin 6-cı polis bölməsinin rəisi Rəşad Əhmədzadə ilə əlaqə saxladı.

Rəşad Əhmədzadə Ölkə.az-a verdiyi açıqlamada Ülkər İsayevanın keçmiş əri Aydın Əhmədzadə ilə heç bir qohumluq əlaqəsi olmadığını bildirib. Həmçinin əmisi oğlu Tərlan Əhmədzadənin Ülkər İsayevanın keçmiş qaynatası, yəni Aydın Əhmədzadənin atası olduğunu iddialarını təkzib edən bölmə rəisi, əmisi oğlu Tərlanın da Aydın adlı oğlunun olmadığını bildirdi.

Məsələnin detallarını araşdırırıq.

Ölkə.az