Ekspert: \"Yeni loqoda dizayn sadəliyinin ahəngi uğurlu alınıb\"

"Azerfon şirkətinin “Nar Mobile” ticarət nişanı kimi həm adını, həm də loqotipini yeniləməsi istiqamətinə təşəbbüsü alqışa layiqdir"

"Dünyanın qabaqcıl şirkətlərinin də minimalizm tendensiyasına qoşularaq loqoda dizayn sadəliyinin ahəngi uğurlu seçimdir. Müasir zamanda istehlakçı təfəkkürünün informasiya axını sayəsində həddən artıq yüklənməsi baxımından dizayn tam uyğun alınıb".

Bu sözləri Ölkə.Az-a danışan marketinq üzrə ekspert Ramil Cabbarov deyib.

"İstehlakçının bir loqonu xatırlaması üçün mürəkkəb kompenentlərin ifadə olunduğu dövr artıq yekunlaşıb. İntellektual insanlar loqoda 2 simvolun olması ilə həmin şirkəti xatırlama məntiqinə malikdir. Rəng seçiminə gəldikdə isə, ifadə olunan rəng şüuraltı olaraq, güclü emosiya, ehtiras, sürət və intensivlik hissi oyadır. Loqotipin hazırlanmasında başlıca prinsiplərdən olan stil, unikallıq, cəlbedicilik, oxunaqlıq hiss olunur. Bundan əlavə olaraq, şirkətin öz müştərilərinə ötürdüyü imic və doğru obraz ehtiva olunub.

O ki, qaldı yeni loqonun WhatsApp-dan oğurlanma məsələsinə bununla qətiyyən razı deyiləm. WhatsApp loqosunda aşağı sol künc itiucludur, o cümlədən fikir versəniz görərsiniz ki, kənarlarına ağ rəngli kant da verilib".

Xatırladaq ki, bir neçə gün bundan öncə Marriott oteldə “Nar Mobile”  tərəfindən böyük tədbir təşkil edilmişdir.

500-ə qədər qonaq dəvət olunan tədbirdə “Nar Mobile” qonaqlara sürpriz edərək şirkətin yeni loqosunu təqdim etmişdir. 

Fatimə 

Ölkə.Az