Qulu Məhərrəmli: \"İnsan düşünəndə ki, onun yazdığını kimsə, hansısa qrum davamlı izləyir...\"

"Status yazmaq hər bir jurnalistin işdən kənar hüququdur"

Əgər kimsə istəyirsə, istədiyi statusu da yaza bilər. Status yazmaq hər bir jurnalistin işdən kənar hüququdur. Bizdə jurnalistlər hansı platformaya yaxındırsa, ona uyğun statuslar yazırlar. Jurnalistlərin yazdığı statusların onların işlədiyi qrumun mövqeyi olub-olmaması isə bir qədər mübahisəli məsələdir".

Bu sözləri Ölkə.Az-a media eksperti Qulu Məhərrəmli jurnalistlərin yazdığı statuslar barədə danışarkən deyib.

"Status dediyin cəmiyyətlə ünsiyyətdir. Ona görə də, bunda hər hansısa qərəz axtarmaq düzgün deyil. Kim istəyər reaksiya verər, kim istəyər verməz.
Hər kəsə bəllidir ki, bir çox ölkələrdə jurnalistlərin statusları çox cidii izlənilir. Şərhlər verilir və.s

Jurnalistlərin statuslarına nəzarətin olmasını isə çox pis qarşılayıram. Nəzarət etmək insan, söz, ifadə, düşüncə azadlığına birbaşa təzyiqdir.
İnsan düşünəndə ki, onun yazdığını kimsə, hansısa qrum davamlı izləyir və ya qeydiyyata alır təbii ki, belə olanda çəkinmə yaranır".

Fatimə İbrahimova

Ölkə.Az