Bu idarələr ləğv edildi

Nazirlər Kabineti "Azərbaycan Respublikası Kənd Təsərrüfatı Nazirliyinin tabeliyində ərazi kənd təsərrüfatı idarələrinin yaradılması haqqında" 2002-ci il 20 sentyabr tarixli 146 saylı qərarını ləğv edib.

Bu barədə qərarı baş nazir imzalayıb. Qərarla nazirliyin regional idarələri ləğv olunur. Qərar bu il iyunun 1-dən qüvvəyə minəcək.

Qeyd edək ki, hazırda Kənd Təsərüffatı Nazirliyinin Azərbaycanın doqquz regionunda regional idarələri mövcuddur.

İyunun 1-dən isə nazirliyin hər bir rayonda yerli kənd təsərrüfat idarələri fəaliyyətə başlayacaq./Report/

Ölkə.Az