Nazirlik rəsmisi ali məktəblərdə idman fənninin gələcəyindən danışdı
Ali məktəblərdə idman fənninin ləğv edilməsindən söhbət gedə bilməz. Əksinə daha dərinləşmiş idmanla məşğul olmaq məsələsi gündəmə gəlir.
Bu sözləri bu gün keçirilən mətbuat konfransında bunu Azərbaycanın Təhsil Nazirliyinin mətbuat xidmətinin rəhbəri Cəsarət Valehov bildirib.
Onun sözlərinə görə, universitetlərdə idman klubları yaradılacaq ki, bu da tələbələrə idmanla daha peşəkar məşğul olmağa şərait yaradacaq:
“Universitetlərdə bədən tərbiyyəsi dərsləri adətən formal keçirilirdi. Formallıq ondan ibarət idi ki, tələbələr öz maraqlarına uyğun fokuslaşa bilmirdilər. Kimsə valeybol oynamaq, kimsə oxu zalında dərs oxumağa üstünlük verirdi.
Bütün tələbələrin bir maarq qrupunda birləşməsi absurd olardı. Təhsil Nazirliyi də bu məsələni əsas götürərək bu ildən başlayaraq bədən tərbiyyəsi ixtisasını maraq qruplarına uyğun olaraq formalaşdırmaq ənənəsinə başladı.
Bu bilavasitə universitetlərdə idman klublarının yaradılması, həmin klublara tələbələrin maraq qruplarına uyğun yazılması prosesidir”-deyə, mətbuat xidmətinin rəhbəri bildirdi.
Nazirliyin rəsmisi bildirir ki, bu təcrübə dünya praktikasında da mövcuddur. Peşəkar idmançıalrda məhz idman klublarında formalaşır:
“Bir məqama da qeyd edim ki, ABŞ –da və digər ölkələrdə olimpiada qalibləri heç də idmanı universitetlərdə öyrənməyiblər. Professional olaraq həmin universitetlərin nəzdində yaradılmış idman klublarında məşğələlər keçməklə məşğul olurlar.
Onların da müəllimləri də həmin idman klublarında məşqçi olaraq çalışırlar. Biz də bu məsələni nəzərə alamqla, idman klublarının yaradılmasına başalayacağıq”.
Ölkə.Az
