Nazirlikdə Heydər Əliyevin doğum günü anıldı

Mayın 8-də Nəqliyyat Nazirliyində Azərbaycan xalqının Ümummilli Lideri Heydər Əliyevin anadan olmasının 92-ci ildönümünə həsr edilmiş tədbir keçirilib.

Ölkə.Az nazirliyə istinadən xəbər verir ki, tədbir Ulu Öndərin Nəqliyyat Nazirliyinin həyətindəki büstünün önünə gül dəstələri qoyulması ilə başlayıb. Daha sonra Heydər Əliyevin xatirəsinə həsr edilmiş konfrans keçirilib.

Konfransda çıxış edən nəqliyyat nazirinin müavini Musa Pənahov müstəqil Azərbaycan dövlətinin memarı olan Heydər Əliyevin dövlət quruculuğu, Azərbaycan iqtisadiyyatının dirçəldilməsi, respublikamızın beynəlxalq arenada tanınması, respublika vətəndaşlarının sosial həyat səviyyəsinin yüksəldilməsi istiqamətində gördüyü işlərdən bəhs olunub.

Sonra çıxış edənlər Ulu Öndərin Azərbaycan tarixindəki müstəsna rolundan danışıblar.

Ölkə.Az